異空感應丨陳家樂自爆到寧波工作急瘦20磅 食唔慣太油膩又生腎石入埋廠

陳家樂、陳曉華、阮浩棕及龔慈恩等今日為王心慰監製新劇《異空感應》試造型，飾演心理犯罪學家的家樂表示，上一次拍王心慰的劇集已是7、8年前的事，提到首次孭飛做男一，家樂稱心情有點緊張，因為年紀大，不像以前那麼Fit，加上要不停廠景和外景「輪更」，所以最擔心體能問題。

家樂擔心自己唔夠Fit應付拍劇。

首次孭飛做男一，家樂心情有點緊張。

家樂剛度過36歲生日。

陳家樂原打算下年年中搞婚禮。

家樂剛度過36歲生日， 他指生日正日與女友連詩雅（Shiga），相約朋友打邊爐及燒烤慶祝。問到婚期，家樂稱正計劃中，原打算下年年中搞婚禮，但兩人的工作已排到明年3月，加上Shiga有機會到外地工作，所以有機會延期：「婚紗相都要搵幾日去影，好多細節都要討論，例如睇場地，就連枱布顏色都要揀，日子方面，佢（Shiga）搵咗人擇日，過大禮就由家人負責，（擺幾多圍 ？）未知，因為防疫政策放寬咗，依家只能畀心機努力做，希望下年年中搞到。」家樂又指岑珈其給予他很多意見，故對方是兄弟團的首選，問到想收到老闆楊受成送甚麼結婚禮物？他就笑指不敢問：「 其實都唔需要，靠自己努力， 老闆出席已經好開心。」

家樂為搞婚禮都好頭痕。

家樂自爆早前到寧波工作瘦了20磅。

家樂生過腎石以為唔會再生，點知再生過。

因為生腎石，返內地隔離完一出關即入醫院。

因為兩人都有工作，婚禮或會延期。

家樂又自爆早前到寧波工作時瘦了20磅：「 可能唔慣食得太油膩同埋生腎石有關，以為生過腎石以就唔會再生，點知返內地隔離完一出關即入醫院，都有屙返（腎石）出嚟， 不過真係好痛。」