C Lam.翟司琳為港爭光 勇奪亞洲十大模特兒及美肌大獎！
2022-10-15 13:20 
國際模界年度盛事《Face Of Asia》模特兒選拔活動在周五（14日）於韓國首爾舉行，今年參加ACE Talent 演藝模特兒大賽並成為「Face of Hong Kong」得主的林灝邦（BrianBond）及翟司琳（C Lam.），代表香港出戰韓國，狀態大勇的C Lam.表現超卓，並為港爭光，奪得「美肌大奬」以及成為《Face Of Asia》Top 10 Model殊榮，一人獨得兩大獎項，可喜可賀！被邀請擔任嘉賓模特兒的童星孖妹鄭寶、鄭貝和張加妮，更在現場見證C Lam.得獎！
在大會安排下BrianBond及C Lam.連日來行程緊密，最令他們意想不到的，是大會安排保鑣貼身保護參賽者外，更常安排韓國地道美食，C Lam.說：「出入都有保鑣護送，就算落雨，保鑣寧願自己淋雨，都要擔遮遮住我哋。每餐都係高熱量食物如炸雞、炒年糕、炸醬麵，我以為其他參賽者會食少啲，但係佢哋係好enjoy猛咁食，得我同BrianBond為戒口而『揀飲擇食』，我有時為享受地道美食，惟有早餐午餐食少啲或唔食，留返晚餐時放肆啲食。」
面對來自不同國家的參賽者，C Lam.說初時擔心自己不夠高：「但當fitting除晒鞋時，我發現我都算係中等身高，原來平時大家都會着增高鞋！同埋佢哋好似唔怕凍咁，成日背心短褲，個妝又化得靚，時刻保持戰鬥格！」就如日前在議政府舉行的傳統服飾時裝展上行騷，她說見到個別穿着傳統服飾的模特兒，雖然衣衫單薄，仍能在嚴寒下發揮專業表現：「佢哋嘅表現令我好佩服！而我一行上台，感受到燈光一打落嚟，音樂一響，好有能量嘅感覺，我真係好鍾意企喺台上面！」
C Lam.說最難能可貴的，是在比賽中獲得不少友誼，能和來自不同國家的參賽者相處融洽，進行文化交流：「好快大家相處得好開心，有講有笑，好似我同來自越南嘅model同房，我哋好好傾，亦都了解多咗越南嘅文化。」
【其他文章】：
《放學ICU》主持劉家聰患腦癌歷開腦險死 坐輪椅上舞台「她」現身全場淚崩
《放學ICU》劉家聰贏過模特兒比賽轉做藝員變配角 係醫療輔助隊四級長官育有15歲囡囡
全城一叮｜《東張》女神領軍跳啦啦隊舞一字馬拱橋晒冷 短裙露腰都被負評利穎怡爆喊
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應