陳柏宇重提太太年內兩次流產笑指生兩個夠數：我好cheap㗎咋

2022-10-15 23:25

陳柏宇（Jason）太太符曉薇（Leanne）昨日在社交網站貼出「一家四口」的照片宣佈陀B女，再度榮升爸爸的Jason今日與黃妍、DJ King及力臻到尖沙咀出席記者會，會上宣佈12月他們將會聯同MIRROR成員柳應廷(Jer)、李駿傑(Jeremy)及台灣代表八三夭、韓國代表孝琳、JAY B以及新加坡代表邱鋒澤，假中環海濱活動空間舉行UNIK ASIA FESTIVAL。

【點擊睇陳柏宇出席活動相】：

再度榮升爸爸嘅Jason同黃妍、DJ King及力臻到尖沙咀出席記者會。

Jason睇落心情大好！

King都喺現場。

力臻都有出席。

黃妍。

Jason同黃妍合照。

Jason接受訪問時提到老婆再懷孕。

講起就好興奮。

陳柏宇同老婆符曉薇噚日喺社交網宣佈再度懷孕嘅好消息。

陳柏宇一家三口好快會變一家四口！

Abi好快做家姐！

陳柏宇受訪問時提到老婆再懷孕，心情大靚的他表示今次生B是「整定」，又透露B女已四個月大，現時很期待她的出生。Jason指生女很好，因為可翻用4歲囡囡Abigail的物件，笑指他仍「有心有力」時，他說：「好彩仲有，順其自然地努力嘗試，一直都係平常心，冇太大壓力好啲！」Jason又指今次老婆能再陀B其實很厲害，因為老婆兩度流產，加上她又切除了左邊輸卵管，再懷孕的機率會降低。問到他是否曾想過放棄生B，他則表示這是老婆的決定：「當然要佢想先至會去嘗試。」Leanna曾一年內經歷兩次人工流產，不過Jason又表示沒有特別考究安胎問題：「醫生暫時冇話BB有乜特別問題，佢(Leanna)嘅身體又唔係特別差，之前兩次亦應該唔關操勞事，因為一次係宮外孕，一次係先天性疾病。」Jason笑指今次老婆懷孕不是靠人工，更笑言人工太貴，又指一直有問囡囡是否想要弟妹，所以囡囡得知消息後沒有太大驚喜。至於會否追仔，Jason表示：「梗係唔想，兩個仲唔夠？夠晒啦，三個真係搞唔掂，一定要收爐。（會唔會做結紮？）咁又唔使去到咁盡，要錢㗎，（乜都計錢？）我好cheap㗎咋！」問他現時是否要積極搵奶粉錢，Jason表示當然想，自己也基本上不會推工作。

Jason早前退出「903AllStar籃球賽」。

提到即將復出的MIRROR將參與「903AllStar籃球賽」，但由於主辦方太遷就MIRROR，搞到有歌手退賽，其中一個就是Jason，被問到此事時，他指因當日要拍攝《就是青春》而退出，問到是否感到可惜？他說：「玩啫，冇所謂，唔會可惜，另外有Job做。（覺唔覺得偏幫MIRROR？）唔係你就我就係我就你，我冇乜所謂，玩到就玩！」

【其他文章】：

鄧麗欣39歲生日「找數」晒泳衣照身材再升cup網民心心眼

41歲E-kids成員Kasa久別幕前發福樣現身《中年好聲音》即場清唱代表作完全唔夠氣

中年好聲音｜監製回應朱庭萱投訴冷氣凍影響發揮前港姐曹敏莉胞妹鄺文珣老公都參賽

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ

關鍵字