Juicy叮｜港男食澳牛驚覺銀包原來僅得廿蚊 聽員工一句回應即鬆口氣

位於佐敦的澳洲牛奶公司一向以「光速餐」和店員「火爆」的服務態度而聞名。不過，有港男近日發文指，自己日前到餐廳食早餐，打算付款時卻發現銀包內只有不足20元，幸好在聽到員工的一句回應後，隨即鬆口氣。

該名港男日前在Facebook群組「香港茶餐廳及美食關注組」發文，指自己到澳牛食早餐，並獲員工「好細心咁俾張圓櫈我擺背囊」。他指，吃完早餐準備從銀包取出現金付款時，「發現銀包只有一張十蚊紙同神沙，夾埋唔夠廿蚊」，隨即感到緊張，「唔通今次要挑戰澳牛底線，雖然我知澳牛哥哥平時好細心好鐵漢柔情，但我今劑食完嘢無錢畀喎。」

澳牛一向以「光速餐」和店員「火爆」的服務態度而聞名。資料圖片

他糾結了幾分鐘後，只好「膽粗粗」上前，「諗住問下收銀阿姐收唔收Payme之類電子交易」。誰料，「我一開口講咗句唔好意思，阿姐已經叫我『得喇，去撳機喇』。當刻真係即刻鬆一口氣，即去撳機。澳牛，真係好有人情味。」他隨後又指，員工當時未有要求他放下身分證或電話，並指「我有諗過或者要放底啲嘢做按金之類」。

相關帖文隨即引熱議，有網民指「我唔覺得佢哋無禮貌，而且對老人家、大肚婆同細路特別好」、「其實澳牛係光速餐但服務真係唔係差～食左30年冇試過比佢哋唔禮貌招呼過」、「其實澳牛啲人好好㗎，只係佢哋最唔鍾意就係慢」、「我試過，出去到阿姐講果時真係戰戰競競。本身我仲諗住擺底張八達通做抵押，然後阿姐都係一句：唔使啦，你轉頭返嚟俾錢啦」等。另有人則認為，「態度有改善係應該，你想喺條街生存就要改下啲態度」等。

帖文來源：群組「香港茶餐廳及美食關注組」

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ