陳瀅為《美麗戰場》激動爆衫 曾志偉畀人夫搞到唔知出唔出到街

TVB遊戲節目《開心無敵獎門人》今晚（9日）播出一集的嘉賓有台慶劇《美麗戰場》一眾演員，分別為
「美麗隊」陳山聰、陳瀅、陳曉華、何依婷、林景程、魯振順、蔡康年、關嘉敏、葉蒨文、葉泓聲（Gordon），及「戰場隊」林盛斌（Bob）、蔣家旻、劉佩玥、朱晨麗、丁子朗、黎芷珊、曾淑雅（Jumbo）、王菲、戴耀明、李紹堅，監製葉念琛亦有現身撐場。

【點擊睇獎門人搞笑相】

陳瀅啜乒乓個樣好誘人。

陳瀅啜乒乓個樣好誘人。

Jumbo獲讚好識啜，所以畀Bob捉實狂啜波搶分。

葉蒨文

朱晨麗

何依婷

關嘉敏

山聰孭住何依婷玩「人肉呼拉圈」，女方被他瘋狂揈到不停尖叫，好刺激。

山聰孭住何依婷玩「人肉呼拉圈」，女方被他瘋狂揈到不停尖叫，好刺激。

好粗暴！

輪到Bob出盡奶力揈身高1.74米的Jumbo，被Bob喝完一句「你要郁架」，Jumbo即 出力在Bob身上爬圈圈，令Bob瞬間回復輕鬆。

到朱晨麗上場！

朱晨麗接力上演「示範賽」，惜自行用力兜圈的她爬到一仆一碌，搞到Bob黑人問號。

好彩有錢嘉樂！

率先揀中麻辣壽桃包的陳瀅食到乸口乸面。

Bob被隊友「質」到滿口「加料」壽桃包。

食到乸口乸面。

關嘉敏揀中指天椒壽桃包，食到又咳又飆眼淚。

陳瀅仲乜笑到失控呢？

Bob（右）與山聰喺「開心無敵彈遮遮」好積極搶答。

陳瀅（右）和陳曉華包到實一實，好醒目。

濕晒身！

陳瀅在「開心無敵按按鈕」使出爆衫絕技。

為劇集瞓身博到盡的陳瀅，與Jumbo、葉蒨文、朱晨麗、何依婷及關嘉敏玩首個遊戲「開心無敵啜乒乓」落力「啜」，其中遭Bob挾持啜波搶分的Jumbo，百發百中的口技獲李紹堅大讚「好識啜」，嘉樂見狀亦忍不住搞笑謂：「留個電話畀我！」接著「開心無敵呼拉圈」，育有兩歲兒子Jaco 的山聰＋何依婷 VS「四孩之父」Bob＋Jumbo；好腰力好臂力的山聰以近乎「光速」狂揈依婷，搞到依婷全程奪命狂呼；另邊廂，身高1.74 米的Jumbo 一開波已慘遭拋落地，出盡奶力狂揈仍零進展的Bob攰到乸埋口面大叫：「你要郁架！」結果Jumbo生擒人夫Bob瘋狂爬圈圈，回復輕鬆的Bob 即笑言：「呢個遊戲都幾好玩喎！」引來全場笑到碌地，之後換咗朱晨麗接力與Bob上演「示範賽」，惟表現勁遴迍更差點仆落地。

今集「辣辣壽司邊個食」改為「加料」壽桃包，包括有指天椒、麻辣及Wasabi 等口味，非常過癮，試過被逼連吞3 件辣辣壽司搞到流鼻血的Bob，今集都「冇好日子過」，慘遭隊友蔣家旻、Jumbo等「陷害」，被「質」到滿口都是食剩的辣辣壽桃包，辣到他飆冷汗，場面搞笑。之後兩位人夫Bob與山聰玩「開心無敵拍拍拍」時，瘋狂喪爆「有味」答案互相傷害，搞到連獎門人都看不過眼煞停比賽：「你呢兩條友吖，我都唔知出唔出到街！」

【相關閱讀】

美麗戰場丨楊卓娜演賤爆繼母嘴藐藐逐格睇 叉腰發難摑人煲煙七情上面

美麗戰場｜蔣家旻演技爆發！父心臟病發阻搶救 眼神兇狠親睹杜燕歌失救致死

美麗戰場丨蔣家旻眼凸嘴歪Vs楊茜堯面容扭曲奸樣大對比 網民評呢位贏晒

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ