林德信孖葉中月80年代造型推合唱新歌　媽咪女友未來外母齊撐場

林德信（Alex）與葉中月（前名葉晴晴、Robynn）今日到中環出席活動，兩人以80年代打扮現身，剛由美國返港的媽媽吳正元，Alex女友Candace及其母親，亦專誠前來捧埸。Alex表示因疫情關係已3年未見過媽媽，媽媽一向是在網上欣賞他演出，今日對方能親身到場欣賞，覺得既難得又開心。

Alex和Robynn為配合新歌《Sparkling Wine》，專登換上一身80年代造型。

Alex原來已經3年沒跟媽咪見面，所以今日有媽咪撐場特別開心。

Robynn被Alex大爆飾物不多，要問他借太陽眼鏡拍MV。

Alex與Robynn指兩人首次一起創作新歌《Sparkling Wine》，屬80年代Disco曲風，首次獻唱也覺期待。兩人表示因疫情關係已很久沒作公開表演，Alex希望疫情轉好後，能夠多些這類型表演。Alex又玩爆料，笑指Robynn 為了這首歌由本來的文青形象變成狂野，更大爆她拍MV時連太陽眼鏡也沒有，搞到要向他借，所以為了之後宣傳，添置了不少飾物。Robynn則笑稱自己似在扮演角色，又自爆現在仍需要向家姐借太陽眼鏡用。由於今次非常愉快，故兩人亦希望日後能再次合作。

Alex與Robynn很久沒現場唱歌，很珍惜今日演出機會。

Alex彈結他伴奏。

Robynn則負責彈琴。

提到林子祥將於本月12日75歲生日，Alex指爸爸已叮囑不需要送禮物，只需簡單吃飯慶祝已足夠，「成班人食飯好開心，不過更難得係單對單，都希望可以同老竇撐枱腳，不過約佢食早餐就好有難度，因為佢好早起身，如果約到嘅話，都會好享受同珍惜。」

Alex女友 Candace跟吳正元幾好傾，睇嚟關係唔錯。

Candace最初好怕醜，想避鏡頭。

後尾都大方任影。

Candace都有幫Alex拍低演出情況。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ