維港會｜評價鄧炳強現時演技 高志森： 肯定係進步好大

保安局局長鄧炳強加入警隊前，曾參演由高志森執導嘅處女作《開心鬼》。鄧炳強今日在網上上傳訪問導演高志森的影片，高志森除了分享成功之道以外，亦有談及對鄧炳強演技的評價。

鄧炳強在社交媒體上傳新一集《小角色 • 大人物》，而今集的嘉賓則為高志森。鄧炳強曾在對方的處女作《開心鬼》中擔任特約演員，在片中則要求高志森評價他現時的演技。高志森則指，鄧炳強現時「應該已經豁出去」，加上有不少生活歷練，亦知道幽默感及節奏感，「咁肯定係進步好大啦。」鄧炳強則笑言，「我啲幽默感都係睇你啲片學返嚟，做人最緊要開心。」

鄧炳強(黃衫)曾在對方的《開心鬼》中擔任特約演員。網圖

鄧炳強又提到高志森年少成名，會否有「飄飄然」的感覺或是壓力大的時候，高志森則直言「飄飄然多少都有啲，尤其是年少氣盛嘅時候」，並指自己如果有壓力就會發脾氣。他指，若片場遇到不順利的情況就會發火，直至隨後被前輩提醒，對方表示「發脾氣係無能嘅表現，你有能力解決問題，你唔洗發脾氣」。鄧炳強又追問高志森有否因為壞脾氣而失去機會或朋友，高志森則回答指，「未去到咁」，並指一般是在現場無法解決的問題，就會向工作人員發脾氣，「通常有咁嘅得失，但更重要係件事唔係解決得好」。

鄧炳強訪問高志森。fb影片截圖

被問到有什麼說話寄語年青人時，高志森則指，年青人「唔好怕蝕底」，並指要「盡量做，即係你愈係年青入行，或喺學校幫同學做個project，就唔好下下計較。乜都做，乜都試。」鄧炳強亦指，「看似蝕底，其實著數咗，因為學多咗呀嘛。」

高志森寄語年青人「唔好怕蝕底」。fb影片截圖

鄧炳強在片尾問到，「如果我可以為你做一件事，你希望是什麼」，高志森則指，希望可以盡快穩定香港社會，「保安局唔係淨係話政策上嘅嘢，仲有民心上嘅嘢。」鄧炳強則回答指，希望不會令他失望。