孫慧雪爆囝囝係怕醜仔 老公不願兩母子有壓力拒拍廣告
2022-10-03 08:00 
孫慧雪（雪雪）昨日帶同囝囝Riley出席一個活動，Riley由雪雪陪同下與閃避球香港隊精英球員一同組隊玩「躍動閃避球對決」進行開球禮。雪雪表示：「無論工作幾忙，都一定會抽時間陪囝囝。」雪雪對上一次帶Riley出席公開活動，Riley仍是手抱BB，她說：「囝囝性格比較怕醜，所以好少同佢去呢啲公開場合，我同老公前一晚不停教佢要點樣回答問題。」她坦言有不少廣告打兩母子主意，但工作時間太長，老公羅天彥唔想囝囝辛苦，也不想兩母子壓力太大，所以都婉拒了。
被問到是否有意訓練囝囝走運動員之路，雪雪說順其自然：「唔會刻意要佢行邊條路，好似近排佢開始玩跆拳道，都是自己話要去，等佢試吓唔同嘅運動，又可以同其他小朋友相處。」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應