網民直擊｜九龍灣Uber taxi「偷雞」犯險行人路捐出 途人嚇窒眼擎擎
2022-09-30 19:42 
九龍灣發生的士走捷徑瘋狂事件。一部Uber taxi疑行錯路趕時間，竟然在市區車流頻繁的街道，無視行人的安全，借道九龍灣天橋底一條公園行人路，「捐」出偉業街直駛黃大仙，途人看得目瞪口呆，有網民揶揄「好似條鄉村路咁轉出嚟，以為喺上水，古洞錦田添」。
網上流出的短片長約27秒，開頭見一部紅色的士，由天橋底的行人路緩緩駛出，兩旁有花槽，上面是行車天橋，行人路路面寬約4米，路面更有一支燈柱，僅僅夠的士通過，偉業街車多頻繁，更不時有重型車輛駛過，只見的士駛至路口等候，待沒有車過一刻，即踩油衝出路面，沿偉業街往黃大仙方向駛去。據了解，該的士原本由偉業街駛入常怡道，疑司機發現走錯路，「偷雞」利用橋底的行人路作捷徑，「搏大霧」駛回偉業街。
有網民留言「佢又會知有呢條路?」、「石油氣都要咁慳？兜個圈都唔得？」、又有網民揶揄笑謂「條條大路通羅馬」、「優質的士…… 你可能會被香港警方控告你魯莽駕。」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應