林夏薇「視后」大馬出巡 相隔3年再飛勁興奮
2022-09-29 19:00 
「視后」林夏薇與周嘉洛完成新劇《寵愛Pet Pet》拍攝後，日前到馬來西亞出席代言護膚品牌活動。疫情影響全球，薇薇亦不例外，已有3年沒有出埠的她，對於今次再「飛」大表興奮，「真係好掛住馬來西亞嘅美食，特別係榴槤同肉骨茶，同埋可以親自多謝一直以來支持我嘅fans，心情真係好興奮。」相隔3年再踏大馬，她人氣依然爆燈，吸引大批當地巿民圍觀，場面墟冚，她亦難以置信，「今次活動唔係周末舉行，本身都擔心大家要返工返學嚟唔到，但最後見到咁多人嚟支持，真係好感動。」
趁放假自我增值
連續3年成為該護膚品牌代言，薇薇對於肌膚護理亦有自己心得，原來她自中學時代已開始保養肌膚，還有個小秘方，「飲食健康，飲多啲果汁，我亦會自製水果牛奶面膜。」過去一年，薇薇一口氣拍完3套劇集，她笑言感覺十分充實，趁着暫時未為新劇開工，她即爭取時間好好休息充電，「趁有時間會陪吓屋企人及幾隻狗仔，而且假期都係一個好好自我增值的機會，所以我會鍛練身體，始終有健康嘅體魄先至可以挑戰新工作。」
《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ
最新回應