有個閨密叫祖藍丨李亞男登場晒恩愛即場公主抱 王祖藍講老婆缺點係「太華姐」

王祖藍主持的《有個閨密叫祖藍》將於本周六（1日）晚上播映最後一集，今集的終極Big Boss是祖藍太太李亞男。華姐 出身的李亞男（Leanne）向來給人感覺高貴大方，但面對老公卻變成另一個人，表情動作多多兼不介意在鏡頭前展現粗魯及樣衰一面， 又多番扮惡「 凶 」祖藍，不過祖藍不但唔驚，還經常乘機捉弄嬌妻，尤其當 Leanne「走音」時，祖藍更是笑到趴地，令 Leanne多番要忍笑「扮嬲」兼「反白眼」，場面爆趣 。

【爆笑放閃內容逐格睇】：

最後一集嘅嘉賓係王祖藍太太李亞男。

佢今次身負重任要送驚喜畀祖藍，搞到唔習慣講大話嘅佢個心籮籮孿。

祖藍最初難以置信最後一集嘅嘉賓會係自己嘅老婆。

見到 Leanne，祖藍笑到不能自已。

Leanne就一見到祖藍就變咗開籠雀講個不停。

唔知係咪同祖藍一齊耐咗嘅關係， Leanne變得搞笑咗好多。

呢啲表情應該好難喺其他華姐或港姐身上睇到啩。

點解今次「快問快答」會叫做「玩命」版？大家心照啦。

今次「藍男」仲要玩晒以往喺節目出現過嘅所有閨密任務，當中仲有一個好驚人嘅 原因？

大家又點會估到，會見到 Leanne咁嘅一面。

祖藍不斷鼓勵 老婆要「再樣衰啲」

嗰種甜蜜真係好特別。

Leanne其實係傻大姐嚟。

 

呢個係咪傳說中嘅 O嘴表情？

似唔似手機入面嘅「不滿無奈」 Emoji？

呢個笑容，相當有可疑。

呢個「恐龍叫」相當逼真！

係 Leanne嘅新技能解鎖！

作為結咗婚七年嘅夫妻，可以咁容易乜都笑一餐，都真係幾甜蜜。

要老公錫錫！

對於祖藍不斷喺《閨密》入面同唔同嘅閨密有不同程度嘅身體接觸，之前同祖藍 約法三章不能有身體接觸嘅 Leanne，向老公大興問罪之師。

為咗「贖罪」，祖藍要「公主抱」李亞男，過程都有啲 牙煙 。

祖藍同李亞男一直都好恩愛！

在「玩命」 版「閨密快問快答」，兩人展現驚人默契，當被問到 「第一次見面地方」、「第一次見面年份」、「第一次約會地點」、「第一次入戲院睇嘅戲」 及 「第一次接吻地點」 時，異口同聲秒速答出正確答案及細節， Leanne還首度展現了不為人知的「驚人絕技」，就是以聲演恐龍，閉起雙眼細聽會真的以為 「恐龍降臨」，祖藍事後原來這絕技由他親自教授，主要是平時用來氹兩個囡囡開心。

在節目上，兩人互爆對方的黑材料，祖藍指Leanne缺點是「太過華姐」：「佢喺屋企入面都好華姐架，佢唔會發嬲啦，你其實基本上見唔到佢唔笑架，佢唔明你講咩又好，佢嬲你又好，都係保持住華姐笑容。同埋佢永遠唔會太興奮，佢甚至乎喺屋企啱啱沖完涼，包住咗個頭，同我講嘢都會有華姐甫。」 Leanne則投訴祖藍「惡意」放屁：「佢成日喺個被竇入面屙屁 ，佢明明可以講句唔好意思、然後出一出去架嘛 ……重點係我仲喺（被）入面，你要焗死自己， OK It’s alright, but you know……」之後再狂數祖藍烏搲事件簿，內容爆笑。

其後他們更按捺不住大耍花槍，玩 Truth or Dare時， 進擊的Leanne乘機向老公索吻：「畀個機會我！ ！（王： 好耐冇嘴過咩？） 係呀，24小時前 （錫 錫 ）喇！ 」當祖藍真的準備獻吻， Leanne又忽然少女上身大叫「 好尷尬」 ，幾經扭擰二 人最終甜蜜咀嘴。之後 Leanne又藉要求老公公主抱：「我搞咁多嘢就係為咗你要抱我咯！」 由於 Leanne太高大，即使祖藍出盡吃奶之力，還是抱得相當不穩，接着Leanne再下一城，要求老公抱著她跳舞，祖藍聞言嚇至眼凸：「你真係決定咁做？我條腰要睇醫生架喇喎。」 Leanne還會分享與圈中閨密的爆笑小秘密 、一件很嬲祖藍但祖藍卻 一直並不知曉的事情。

【其他閱讀】：

鄭裕玲憶已故沈殿霞 稱綵排遇大雨肥姐不願停工一招化解：專業！

美麗戰場 丨陳瀅新海報企正C位地位超然 鮮紅超低胸裙揮低其他女星

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ