東張西望丨兩萬蚊請外傭貨不對辦？面試講中文嚟到講英文 話識中菜實質只識整印尼撈麵

早前《東張西望》曾報道有僱主透過外傭中介公司請外傭，豈料等足外傭2年都未到港，中介公司又不肯退錢。而今晚（27日）節目又再有僱主投訴同一間外傭中介公司，指他們介紹的外傭貨不對辦！僱主葉小姐要求外傭識中文，廣東話或普通話都不拘，而且要求對方識煮中菜，不過外傭不但未能準時返工，更不如面試時識講廣東話，更連「火鍋」都未見過，中菜就更加不識煮。

【相關閱讀】東張西望丨婆婆聘外傭付近萬元等兩年未返工 中介拒退款兼追收3,000元

【點擊逐格睇外傭有幾貨不對板】：

再有人投訴呢間外傭中介公司。

僱主葉小姐（左）本身希望外傭識中文、識煮中菜及喜歡小朋友。

中介公司向葉小姐推介這位外傭。

呢位外傭聲稱在台灣工作過。

中介公司安排葉小姐同呢位外傭遙距面試。

外傭面試時講廣東話完全冇問題。

外傭亦都提到自己喜歡小朋友，來港打工是為了賺錢買屋。

葉小姐對呢位外傭條件都滿意。

由於葉小姐家中有小朋友，本來的外傭又跳工，因此急住等外傭用，很快就決定要聘請遙距面試完的外傭。

但外傭一直未到港，中介公司指疫情下機票加價，如果葉小姐想快啲有外傭用，就要加價一千多港元，而葉小姐亦爽快到答應。

葉小姐前後花費逾2萬元，卻迎來一位完全不符合她要求的外傭。

葉小姐指外傭唔識中文、唔識煮中菜，連「火鍋」都未見過，只識煮印尼撈麵。

《東張西望》主持人去問中介公司負責人呂小姐回應。

呂小姐指一直都係遙距向外傭面試，而且堅稱外傭在故鄉有受訓練，又指學習能力人人不同，力撐該名外傭中文學得唔錯。

呂小姐又認為僱主葉小姐要求太高，對呢位外傭樣樣都睇唔順眼。

最後該名外傭只做咗13日就辭職，葉小姐經勞工處拎返一個月代通知金，再向勞工處及海關投訴中介公司。

 

【其他文章】

《風再起時》代表香港角逐奧斯卡最佳國際影片 郭富城興奮報喜！

盤點失婚港姐｜「最醜港姐」懷孕時老公出軌曾自殘 林雅詩被趕出門

第59屆金馬獎入圍名單｜張艾嘉相隔7年再爭影后 三香港男演員爭影帝

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ