JUICY叮｜舌戰網民食藥打針有理 確診K Kwong變「一線」讚好得快

香港大學化學系博士鄺士山（K Kwong）「失守」確診，自上星期四已入住竹篙灣隔離。他今日在其facebook發文兼貼上自己的快測結果相片，顯示已變返做「一線小生」，稱快將可以外出。他稱自己「 6x歲3高老餅食咗 Paxlovid（新冠特效藥） 真係好得好快！」面對大批對疫苗及新藥的安全及成效抱有懷疑態度的網民，他發文解釋打疫苗的理據以及為何會敢於食這隻「只作緊急使用嘅新藥」。

他以自問自答形式講述食新藥的原因， 「如果等證明 Paxlovid 安全先食係咪好啲？」他說「係，如果我唔死於 COVID-19 嘅話！由我睇嘅文獻，我信高危一族食咗死嘅風險 < 中COVID-19死嘅風險」。他自稱「食唔食係我自己嘅事，你中咗醫生開咗畀你而你唔食亦唔關人事。我食代表我接受風險。」

鄺士山染疫後的情況，按組圖瀏覽：

K Kwong解釋敢於服用新藥的原因。K Kwong FB圖片

他分享了午及晚餐圖片指有印度咖喱及鎮江豬肉。K Kwong fb相片

今日變返一條線。K Kwong fb相片

之前的快測結果。K Kwong fb相片

K Kwong向網民力數服用新藥及接種疫苗的理據，但強調是個人選擇。FB圖片

K Kwong上星期四確診新冠肺炎。FB圖片

他又問「隻新冠只係感冒，K仔做乜咁怕死？」然後說「你幾多歲、我幾多歲？你每日見幾多人、我每日見幾多人？你話佢係感冒，Biochemistry(生物化學)話我知佢唔係咯（囉）」。他解釋，新冠由冠狀病毒引起。而普通感冒由鼻病毒、冠狀病毒、腺病毒、腸道病毒等引起。兩者的受體完全不同。雖然網民質疑感染後幾乎無症狀差不多無人反對。但到今日新冠病毒變成好似感冒是因為：「 頭果幾波已經殺死好多老弱殘兵、 好多朋友已經打咗2、3針、 好多朋友已經中過有抗體。」

他又指「你冇打針唔中係因為你好彩」，而是有 「a、b、c嘅朋友保護你。你要感恩而唔係去笑人哋怕死去打針。」此外，有人問「打咗係咪唔駛死？」K Kwong笑言「你買咗保險就唔會有交通意外？」

有網民反駁稱「邏輯上我唔太認同最後嗰個說法， 打針本來就係話可以防重症、唔死，當然係防重症嘅目的，但唔死唔係買保險嘅目的。」K Kwong就好理性話「打針係買咗中招冇重病嘅保險，保費係打針嘅副作用」。有人又挑戰， 「為何西方世界不再推廣接種？我想聽下你解釋，學下嘢」，K Kwong隨即反駁「為何你食飽咗就不再想食嘢？我想聽下你解釋，學下嘢。唔好意思我咁淺都問」果然，中了招又入了隔離營的K Kwong仍不失其風趣幽默的本色。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ