蘇民峰教嫁入豪門要睇對腳 符合三條件隨時變千億新抱

由堪輿學家蘇民峰與倪嘉雯 （Carmen）、陳若思（Amber）、陳國麟（Doniven）以及新加盟的黃嘉雯（Carmaney）主持的J2節目《呢鋪開乜︰開壇》將於今晚播出，今集師傅會教觀眾睇「腳相」，三位女主持當然有備而來，名正言順穿上熱褲、露趾鞋晒美腿，又行晒cat walk畀師傅點評。

蘇師傅奉旨睇靚腳。

有備而來。

蘇師傅話靚腳與否，要睇腳腕同小腿。

三位女士為雙腳以最佳狀態示人，事前都花了心思。

步姿可以看出一個人性格及能力。

蘇師傅講到其中一款腳型「筷子腳」。

Carmen 話已單身接近 5 年，暫未有心儀對象。

Carmen有機會嫁入豪門。

Amber 話出鏡前確保雙腳白滑靚。

港姐冠軍出身的 Carmaney，步姿上別具神韻。

Carmen 雖然被指有點外八字，但腳形一流，腳腕夠幼、小腿稍微有肉，完全具備做闊太的條件。港姐出身的Carmaney係就係行得有型有格，但係師傅發現她其中一隻腳有內八字，好彩可以後天改善兼轉運。 除了內外八字，蘇師傅在節目中會講行路「腳踭唔掂地」會有甚麼後果，又會家燕媽媽薛家燕做例， 解構一下癦對面相的影響，是否真的「面冇好癦」？

對於節目中被讚靚腳兼有闊太相，Carmen 話未想過嫁入豪門︰「對愛情有啲睇化。都單身咗接近5年，暫時冇對象，都享受單身生活，覺得幾自在。平時鍾意留喺屋企做自己嘢，得閒出去見下朋友。將來當然都想組織家庭，不過目前冇渴求識男仔住。」 為了在師傅面前晒長腿，Carmen 話拍攝前如常每日搽cream，今集都係應師傅要求着露趾鞋。她又稱平日子好少着高踭鞋，擔心會搞到小腿發達，影響腳型。 

Amber話當日知道雙腳要出鏡，返家即刻做檢查：「最緊要睇下有冇啲新毛生出嚟未剃。平時每兩三日就會做一次磨砂，每日沖完涼都會搽 lotion，同埋因為天生腳型唔靚，所以我瞓覺之前都會着住睡眠襪瞓覺，等第二日小腿唔好咁水腫，啱我呢啲水腫型體質，主要係修小腿。」她笑言最試過睡到半夜忍不住除了下來，而且腳板會有 少少麻痹感覺，但第二朝瞓醒，小腿確實瘦了一圈。 

反而Carmaney沒有特別護理，只要盡量不撞瘀及剃毛︰「不過做咗 laser 之後冇呢個問題。同埋唔好曬咁黑，太黑冇咁好睇。」她透露本身有少許入字腳，教練話做 gym 可以糾正，她又爆小學本來是田徑隊成員，因為聽大哥講跑得多會令腳粗，所以第二年便退隊。

《星島頭條》APP經已推出最新版本，請立即更新，瀏覽更精彩內容：https://bit.ly/3yLrgYZ