「細龍太」花逾十萬改名陳思圻 透露拍《愛回家》被欺凌：直接X交叉你
2022-09-09 18:30 
港姐出身的陳偉琪（Vicky）2017年在無綫處境劇《愛．回家之開心速遞》演「細龍太」成功入屋，兩年前涉醉駕後與無綫解約，一度轉行。最近為香港開電視主持水着節目《Summer Girls》復出。近日Vicky接受林柏希網上節目《月傾會》訪問，大爆當年拍《愛．回家》秘史外，還透露近日已經改名「陳思圻」，她說：「我想有個新開始囉，我想喺我人生裏面有個新chapter！」
Vicky透露向朋友借六位數字改名：「唔做舊公司（無綫）大概年半，我個人有啲lost（迷失），問我朋友借錢，逐個月還返畀佢哋。我嗰陣時都有返工，做緊一個headhunt嘅executive search firm。」更大方透露只有約兩萬人工。外界一直盛傳Vicky家境富有，住獨立屋，她否認說：「我唔知點解傳到係獨立屋，細個嗰時，嗰時係家境OK，住跑馬地住咗20年度，之後就搬咗。」因為父親已經退休，現在也會「慳住使」。
拍《愛．回家》期間受委屈
離開無綫兩年，Vicky依然為「細龍太」一角感到驕傲：「一世做細龍太都得，係我演活咗呢個角色，唔係個個都做到細龍太㗎嘛！」不過其實拍《愛．回家》期間，Vicky受到不少委屈：「好多人會想教你點樣做嘢，你教我係真心想教我吖？定係你想show畀大家睇，你係number one呢？直接就X交叉你『你識唔識做戲㗎？X交叉你。』我諗緊點樣做，佢已經開始X交叉你啦！」之後就連導演也一起鬧：「我拎住個電話，睇緊劇本，或者我嗰part戲份，就cut cut cut cut cut，『做咩事呀你？做乜玩電話？』」
想演堂哥Frankie上司
Vicky曾加入無綫，現在又為開電視主持節目，三大免費台中只剩ViuTV未有合作，而MIRROR成員陳瑞輝（Frankie）就是她的堂哥，問到會否找Frankie介紹拍ViuTV節目，她拒絕說：「我唔想影響我堂大佬，唔會用呢啲卡住！」兩堂兄妹由細玩到大，她大讚Frankie小時候已是靚仔、順得人的乖仔。她還笑說如果堂兄妹合作，不會想演情侶：「我哋平時出嚟，好鬼正經㗎嘛，唔係拜山見就係拜年！我恰佢，梗係好玩㗎！（你做佢女上司囉！）都OK喎！」
有電影人想用2萬包養
身材fit爆的Vicky隨後更大爆有電影製作人想䶢濕她：「話簽我做artist，之後佢同我講，『你收入咁唔穩定，不如跟我出trip做我女朋友，我就每月畀兩萬蚊。跟住佢已經行過嚟想咀我，我嚇到傻咗。」Vicky更爆有人曾開天價80至100萬找她做主持：「佢想我着啲咩衫，又話有幾多位老細喺度，佢話要招呼咁多個老闆㗎喎，我就心諗，咩叫招呼呢？」
立即下載｜全新《星島頭條》APP：https://bit.ly/3yLrgYZ
星島頭條App 經已推出最新版本，請立即更新瀏覽更精彩內容。
最新回應