獨家丨張偉文被指坐輪椅唱歌「慘不忍睹」 全城齊估聲大大女歌手方俊有暗示

2022-09-09 09:00

肥媽張相好正。
肥媽張相好正。

69歲「靚聲王」張偉文(Donald)即使中咗新冠肺炎,仍然賣命完成3場《友情有義演唱會》。不過,對於Donald坐住輪椅仍然開Show,反應兩極,《星島頭條》日前就獨家報道有位好有「份量」,又聲大大嘅女歌星發表個人感想,「佢身體咁差仲要推佢出嚟赚錢,要佢坐住輪椅唱歌係慘不忍睹嘅事。」搞到呢位自強不息,殘而不廢嘅老人家非常嬲豬,咬牙切齒激動反駁:「我梗係嬲啦,我剩番碗飯,碗飯對我嚟講好寶貴,得一、兩份收入都唔放過我?我點樣做係我嘅事,我鍾意唱歌,鍾意唱到老呀。」

唔好嬲啦。
唔好嬲啦。
張偉文喺特製豪華輪椅上,跟方俊及姚煒合唱。
張偉文喺特製豪華輪椅上,跟方俊及姚煒合唱。
張偉文每場演唱會都感動到喊。
張偉文每場演唱會都感動到喊。
肥媽和黑妹姐第一場嚟咗後台探班。
肥媽和黑妹姐第一場嚟咗後台探班。
張偉文和經理人方俊關係比父子更好。
張偉文和經理人方俊關係比父子更好。
方俊及方麗盈好照顧張偉文。
方俊及方麗盈好照顧張偉文。
有歌唱嘅張偉文回復精靈。
有歌唱嘅張偉文回復精靈。
元朗演唱會上座無虛設。
元朗演唱會上座無虛設。

留言區掀罵戰
報道一出即成各大討論區熱烈探討嘅話題,好多網民為張偉文打氣,叫他加油,又大讚經理人方俊有情有義。都話網民講嘢從來唔使負責任,有網民指張偉文「玻璃心」,又留言:「其實一個失去自主能力嘅人,已經唔係屬於正常嘅人士,難聽講,到時出意外…」、「一個連自己都照顧唔到自己嘅人,仲要咁樣獻醜…」、「我覺得佢轉牛角尖。」、「曲解人哋意思啫,人哋不是幸災樂禍,只係覺得慘。」、「言者無心聽者有意。」等等,馬上被有同理心網民駁斥:「如果有一日你病到要坐輪椅返工,我同同事講,真係慘不忍睹,你會點?」、「本人覺得慘不忍睹四個字,絕對是用詞不當」、「我覺得佢唔要人同情,係要人支持。」、「冇口德人下場一定更慘。」、「搵食啫畀條生路行吓!」、「人哋坐輪椅要佢養?把口咁臭嘅?」甚至有網民話:「我反而覺得𠵱家企喺度唱歌嘅,大部份至係慘不忍睹!」


網民揪出「真兇」
另外,全城網民齊估誰是聲大大女歌手 ,誓要揪出「真兇」,嫌疑人物包括肥媽、甄妮、杜麗莎、鄭欣宜,甚至九唔搭八猜測喺新加坡定居嘅朱咪咪、冇關連嘅薛家燕、謝安琪、何韻詩及鄧麗欣。留言區充斥問號:「係咪肥媽?」、「應該唔係肥媽,佢同黑妹都一齊去撐場,我估係朱咪咪!」、「欣宜更有份量啦!」、「欣宜唔會係呢啲人,應該係老一輩嗰啲!」、「杜麗莎甄妮最可疑。」食花生指數相當高。
《星島頭條》即搵經理人方俊問兩句,眼見咁多有「份量」女歌手被拖累成嫌疑人物,他非常唔好意思:「如果事件影響到欣宜、家燕姐、甄妮、杜麗莎等感到非常抱歉…」記者發覺方俊冇提到肥媽個名,唔通講漏咗!?

嫌疑一號肥媽。
嫌疑一號肥媽。
嫌疑二號甄妮。  ​
嫌疑二號甄妮。 ​
嫌疑三號杜麗莎。 ​  ​
嫌疑三號杜麗莎。 ​ ​
嫌疑四號欣宜。 ​  ​
嫌疑四號欣宜。 ​ ​

方俊又表示:「我相信每個人想法唔同,嗰個係女歌手主觀嘅睇法,而偉文亦冇因為坐輪椅唱歌而覺得自卑,更唔需要用慘不忍睹嚟形容佢,佢積極面對人生,自食其力唱歌賺生活費,有咩問題?呢種不屈不撓嘅精神係值得敬佩。」他更強調張偉文唔係女歌星想像咁可憐,他反而熱愛唱歌,有歌唱生活有寄托。提到張偉文目前身體狀況,方俊指他雖然要靠輪椅出入,而且仲有腦退化,記憶力冇咁好,但唱歌技能已經入咗心:「呢樣嘢難唔到佢,若有機會,我一定幫佢安排演出。」

識睇梗係睇留言,網民大讚張偉文經理人方俊。
識睇梗係睇留言,網民大讚張偉文經理人方俊。
方俊用心照顧張偉文,有情有義。
方俊用心照顧張偉文,有情有義。
張偉文演唱會有方俊及顔聯武撐場。
張偉文演唱會有方俊及顔聯武撐場。
中招康復後出院嘅Donald一度呆呆滯滯。
中招康復後出院嘅Donald一度呆呆滯滯。
方俊經常為張偉文祈福,出錢又出力。
方俊經常為張偉文祈福,出錢又出力。
5年前有腰患要坐輪椅的張偉文唔想做廢佬。
5年前有腰患要坐輪椅的張偉文唔想做廢佬。

TEXT:星島頭條娛樂組

《星島頭條》APP經已推出最新版本,請立即更新,瀏覽更精彩內容:https://bit.ly/3yLrgYZ

 

 

 

關鍵字

最新回應

關鍵字

相關新聞

熱門文章

You are currently at: std.stheadline.com
Skip This Ads
close ad
close ad