艾威曾傾盡積蓄為妻治病 首公開離婚原因認自己提出:早已計劃好

2022-09-04 11:40

艾威與太太因了解而分開,兩人再見亦是朋友。
艾威與太太因了解而分開,兩人再見亦是朋友。

前TVB「綠葉王」艾威在2020年宣佈與太太Lisa離婚,結束18年的婚姻,太太在2014年曾經被診斷有子宮有個巨型腫瘤,當時艾威為了醫治太太,不惜用盡所有積蓄,可惜歷盡生死難關後,最終未能白頭到老,實在令不少感到惋惜。

日前艾威接受商台節目訪問,首度剖白當年離婚的原因,他表示是先由他主動提出,在2003年賣掉西貢村屋時已經有這計劃:「賣屋時已計劃好要行呢一步,所以唔係倉卒嘅決定,亦都唔係一時衝動,因為兩年前我已經年過六十,真係唔涉及第三者!其實問題存在很久,係兩個人步伐唔一致。可以沉重啲形容,係兩個人喺埋一齊嘅時候,我嘅孤獨感更加大。」他又稱曾經嘗試挽救,但對方無挽救:「因為佢都唔知情,亦根本唔知當時係乜嘢一回事,甚至乎到今日,仍然相信我仲鍾意佢,有一天會返番去佢嘅身邊。」


其後艾威主動提出離婚:「我講過如果我哋之間一直有問題解決唔到,就無謂再糾纏落去。因為時間越長感情越深,分開就越傷越痛,嗰陣我61歲,會感受到自己年紀越大越走極端,其實我哋一齊之後,我嘅脾氣越嚟越差,越嚟越控制唔到自己,真係我嘅問題。而家分開咗,反而相安無事,脾氣反而變好。」

兩人因了解而分開,艾威與前妻至今仍再見亦是朋友,前妻會幫艾威照顧愛犬,艾威亦會協助Lisa的生意,不過問到有否機會復合,艾威坦言:「我真係唔敢講,因為人嘅思想會隨時間轉變,但以我目前嘅狀態,我只會話唔會。」

 

艾威近年主力在內地發展,成績不俗。
艾威近年主力在內地發展,成績不俗。
艾威接受商台節目訪問,首度剖白離婚原因。
艾威接受商台節目訪問,首度剖白離婚原因。
艾威與太太Lisa經歷過不少難關,可惜未能白頭到老。
艾威與太太Lisa經歷過不少難關,可惜未能白頭到老。
艾威與Lisa關係良好,但他未有復合的計劃。
艾威與Lisa關係良好,但他未有復合的計劃。

 

立即下載 | 全新《星島頭條》APP : https://bit.ly/3yLrgYZ

關鍵字

最新回應

關鍵字

相關新聞

熱門文章

You are currently at: std.stheadline.com
Skip This Ads
close ad
close ad