成龍杭州收樓有醒獅迎接超巴閉 4,745萬港元豪宅閃到眼盲奢華裝潢曝光

今年5月，68歲的成龍搭直升機於杭州用咗4,000萬人民幣（約4,745萬港元）購入4,500呎的豪宅，單位屬頂級江景房，樓高4.8米，可遠眺錢塘江。日前有內地網友直擊成龍收樓，見佢著住粉色恤衫襯白色褲，咁Pink嘅成龍真係好少見。巨星駕到，內地粉絲好驚喜再湧住求合照、握手，咁多Fans埋身成龍都有求必應，一副埋嚟啦無所謂嘅樣，真係好Nice呀。

 

好Pink嘅成龍去收樓。

好多人迎接。

 

見有宇宙級巨星駕臨，發展商特別為佢舉辦盛大交樓儀式，並由集團董事長親自接待，全程陪住成龍行地氈及簽名留影，仲做嘢做全套，請埋舞獅慶祝巨星收樓，相當識做人。而發展商亦因應成龍的喜好，為佢製造一個金碧輝煌的單位。屋內的水晶燈、天花板金邊均用18K純金打造，光是玄關就用咗36種奢石，地磚、牆面也都採用大理石製作，極盡奢華。據知成龍覺得豪宅有直升機停機坪方便出入，所以一見鍾情咁話。

 

仲有醒獅歡迎巨星。

集團董事長親自接待。

睇吓張沙發可以坐到幾多人。

仲幫手盛載食品招呼朋友。

又金又紅幾熱鬧。

好似示範單位咁。

打羽毛球都得喎。

廚房就咁嘅。

客廳就咁嘅。

呢間房經理人住嘅。

 

成龍收樓當日更親自下廚招待到訪的發展商工作人員，期間仲唔覺意曝光咗成龍新樓嘅內部，可見屋內每間房都又金又紅相當熱鬧，除了主臥室，更有房間留畀經理人及管家，當然還有衣帽間及雜物房等，又大又光猛，跌咗嘢都好易搵呀。

 

 

立即下載 | 全新《星島頭條》APP : https://bit.ly/3yLrgYZ