明日戰記丨銅鑼灣舉行展覽有裝甲有子彈 ANSONBEAN及Winka先睹為快

古天樂總監製及領銜主演，吳炫輝執導，劉青雲、劉嘉玲領銜主演科幻動作電影《明日戰記》已經上映，此作品是古仔製作多年的心血結晶，而電影公司由即日起至9月14日，會在銅鑼灣Fashion Walk京士頓街2-4號地庫AMAZ舉行《明日戰記》電影展覽，而率獻唱電影主題曲《明日之明日》的ANSONBEAN及COLLA的陳泳伽（Winka）日前率先參觀多個展覽「打卡」位，表現極之興奮。

 

擺返個pose襯返先啦。

 

展出電影中的戲服及道具。

 

使唔使咁chok？

 

ANSONBEAN最鍾意的基因子彈。

ANSONBEAN及Winka仔細觀看在電影中出現過的戲服及道具，Winka謂：「今日現場見到電影裡面出現過嘅道具同戲服，覺得好不可思議，我冇諗過電影公司會好妥善咁保存，更有機會近距離見到古天樂著過嘅裝甲同槍，我影相時都唔捨得放低支道具槍！」ANSONBEAN則表示：「頭先親身見到『基因子彈』做得好仔細，係整個展覽中我最鍾意嘅展品。另外，拍攝時用嘅槍好逼真及有重量，感受到當時演員如果著住裝甲再拎住槍，一定好吃力。頭先我哋拎著槍影相，都覺得自己即刻入戲，成為一分子！」

 

互相廝殺？

 

戲中劉青雲及劉嘉玲的戲服。

 

古仔戲中所穿的裝甲。

 

是次展覽以電影內容為主題，展出部份拍攝時使用之戲服及道具，當中有不少讓參觀者「打卡」的擺設，例如幾個主要角色的戲服、包括古仔飾的「泰來」的26號動力重裝甲配件、基因子彈箱、H8炸彈等，並有視覺藝術家利志達為電影繪製之故事板及手繪版海報，更有以6萬多粒Lego、歷時2個月去設計及砌出的樂高1：1動力重裝甲。主辦單位希望藉著這次展覽，讓觀眾感受到團隊如何跨越重重艱難，製作到屬於香港的最大規模科幻電影。

 

當然唔少得古仔的戲服。

 

樂高１：１的重力裝甲。

 

立即下載 | 全新《星島頭條》APP :　https://bit.ly/3yLrgYZ