鄧萃雯陳秀珠《金枝慾孽》惡鬥戲有真火互爆連戲服髮飾都要爭一餐

2022-08-26 08:00

鄧萃雯近月也北上發展，最近便在微博請來久違的陳秀珠做直播，分享當年一同拍攝TVB經典宮廷劇《金枝慾孽》的點滴，而久違了的陳秀珠雖然沒有刻意打扮，但精神十分飽滿。當年此劇除了有雯女及陳秀珠外，還有佘詩曼、黎姿、張可頤、林保怡及陳豪等，陣容強勁，劇集在2004年首播，轉眼間至今已經18年。

當年收視極好，一眾演員出席祝捷會。

依家都好難有啲咁嘅陣容。

陳秀珠（右）真係好少見。

鄧萃雯在劇中飾演最得寵的「如妃」，飾演皇后的陳秀珠笑言兩人不但在劇中爭寵，連造型都要鬥：「我見點解如妃啲頭飾咁鬼靚嘅？唔得，你今日要紅色，我就要更加大啲嘅色，紫色呀靚啲，金光閃閃，我哋唔只鬥演技呀，我哋鬥埋頭飾，因為我哋鍾意靚呀。」鄧萃雯更自爆曾意圖把陳秀珠的新頭飾據為己有，她笑說：「你仲記唔記得有一日我特登走過嚟搶你啲頭飾，跟住你就話『我戴呀，咩唔戴呀？』。」陳秀珠聞言搞笑反擊：「我唔戴都唔會畀你戴呀！」

兩人又不約而同坦言拍攝時，有時候真的投入了真感情，陳秀珠更大爆當時不忿雯女造型靚過自己，連妝容、戲服等都要鬥，她更特為劇集修身，為求要穿上戲服搶盡鏡頭。不過雖然如此，但兩人私底下卻感情要好！