胡鴻鈞廣州巡唱被讚有棟篤笑天份歌迷起哄嗌除衫

2022-08-26 00:30

胡鴻鈞（Hubert）的首場內地個人音樂會《The Day 到此·開始巡迴音樂會》日前在廣州舉行，當日他以靚聲回饋歌迷，臨場發揮的幽默感更獲歌迷稱讚有棟篤笑天份。Hubert對今次音樂會感受至深，因為門票極速在3秒內售罄：「好開心大家鍾意聽我嘅歌，知道唔少歌迷買唔到飛，好感恩得到大家支持！」他亦很感激廣州歌迷花心思製作的應援物，更有歌迷在一間咖啡店中以Hubert名字為咖啡命名，而音樂會每個座位上都有精美紀念品。

胡鴻鈞日前在廣州開騷。

歌迷反應熱烈，門票3秒就完售。

音樂會中，不少歌迷起哄想看Hubert除衫，他則笑言自己要轉行才能滿足歌迷：「唔知係咪大家都覺得音樂會或者演唱會，都會有呢個除衫環節，因為喺香港開騷時試過着好少衫跳舞，但係今次呢個巡演就冇呢個打算，想以歌會友。遲啲有機會嘅，大家等吓啦！」此外，Hubert坦言第一場騷原定在澳門舉行，但因疫情關係無奈延期，改為廣州做巡唱起步點，更透露正計劃到某幾個城市開騷。