張敬軒暌違逾3年再辦簽唱會 現場叫Fans為受傷阿Mo打氣

張敬軒今日（21日）到旺角出席《THE BRIGHTEST DARKNESS(SACD)》簽唱會，雖然只為500名Fans簽名，但就吸引過千Fans圍觀，塞滿4層樓，場面非常墟撼。軒仔在活動中唱出《一個人的地球》及《俏郎君》等三首歌外，更加碼Encore了《重頭開始》，又宣佈將在聖誕舉行演唱會，以及接拍一套喜劇動作劇情片。而一向關心MIRROR演唱會事故的他，更叫現場所有Fans一起為仍在病床上的阿Mo（李啟言）打氣。

 

張敬軒在現場唱出4首歌慰勞Fans，因他知道凌晨4點已有Fans到場等待他。

 

現場有過千Fans。

 

軒仔事後接受訪問時表示已41個月沒舉行簽唱會，加上知道有Fans在凌晨4點到場，所以才會以Encore報答大家。提到年底舉行的演唱會，他透露將在會展舉行：「開好少咋，因為中間仲隔咗個新城頒奬典禮，而家睇緊係咪要share舞台，啲細節要再傾，但就有咁嘅計劃。（大家又要搶飛！）唔會啦，咁多騷睇，希望大家多多支持，同埋都未試過一年開兩次騷。」有傳陳奕迅也會在年底開演唱會，他說：「大家工作咁辛苦，又或者因為疫情壓力咁大，適當嘅娛樂都好緊要，只要喺防疫安全嘅情況下，有返演唱會係好，我都好期待Eason嘅演唱會。」

 

張敬軒透露聖誕節將會再開騷。

 

影返張大合照。

 

張敬軒即場為500名Fans簽名。

軒仔指一直有了解阿Mo的情況：「今日嘅新聞大家都睇到，佢有啲進展，雖然比較緩慢啲，但都係向好嘅。我覺得我哋而家可以做到嘅，都係為佢打氣，等佢好好地去面對治療。」軒仔又謂自己亦曾試過住院，故會明白對方心情起伏，更指若知道外面有人為自己打氣，心情都會好一點。問到是否有跟阿Mo傾談？他説：「未，都唔想打攪佢，但我哋有中間人一直update佢嘅情況。」軒仔又指自己與容祖兒也曾跟阿Mo合作， 覺得對方是一個很有正能量，好叻又好乖的人。

 

張敬軒好關心MIRROR演唱會事故。

 

阿Mo（右）仍然留醫中，但情況有好轉。

 

對於有指阿Mo女友So Ching心情仍未恢復，軒仔説：「其實我諗佢呢個階段，佢身邊嘅人甚至係Fans或者我哋行內嘅朋友嘅支持係好重要，因為我相信So Ching呢段日子係好難過，唔係我哋想像到嘅難過，佢一個人都要面對好多，同埋要學照顧病者、喺醫院嘅時候點幫到阿Mo，所以呢個階段意志力同精神上嘅支持係緊要啲。我相信喺具體醫療上，阿Mo有團隊有好多Support，所以我覺得係呢件事上作為同業，可以做到嘅就係精神上畀多啲支持。」

 

張敬軒表示So Ching很需要大家支持。

 

立即下載 | 全新《星島頭條》APP : https://bit.ly/3yLrgYZ