區永權樓上住戶掟完雨傘再掟索帶 投訴反遭寸爆：拆棚係咁㗎啦

《東張西望》主持區永權（Albert）遇上惡鄰居，大半年來不斷被樓上鄰居高空擲物滋擾，嚴重影響生活。今年1月，區永權已投訴有人將吸塵機棍由高空擲下；3月再掟雨傘，衝力導致露台成塊地磚破裂，非常恐怖！

區永權今日再在社交網出Po，而今次掉落多條拆棚用的索帶，雖然相對較「小兒科」，但卻換來一肚氣，他寫著：「「喂喂喂，樓上又來啦！都明白，拆棚時候，有好多嘢都需要兼顧，最重要係安全至上！但正當管理員向你溫馨提示，叫你盡量注意一下，因為其實樓下有住客係遭其殃，露台承接晒你所有索帶嘅時候，你竟然理所當然兼理直氣壯地，仲話：『咁拆棚係咁㗎啦！』嘩！呢個態度，簡直係無得頂！明明好嬲，但又好好笑！結果，你拆棚，我善後！幫你執晒所有手尾囉。」

 

《東張西望》主持區永權遇上惡鄰居，經常有雜物從高處擲下。

一條條索帶從天而降。

在平台位置，一地都係要善後。

 

區永權接受傳媒訪問時，透露樓上住戶還掉過螺絲釘、新鮮牛肉、煙頭等雜物，袁偉豪留言問：「跌啲錢落嚟好好多」，區永權無奈回覆：「曾經奢望過，但從來沒發生！🧐」。

 

一家四口都應該唔係好敢出露台。

1月時有人掟過吸塵機棍。

掟雨傘真係好危險！

連鐵欄都整爛。

 

立即下載 | 全新《星島頭條》APP : https://bit.ly/3yLrgYZ