側田第一秒音樂會丨自爆失蹤3年移居泰國尋回昔日笑容自彈自唱甩漏多認失禮

2022-08-21 14:00

《側田第一秒音樂會》昨晚（20日）於灣仔會展舉行，方力申和小肥都有前來捧場。這是側田相隔3年再於香港開騷，當他唱完第一首歌《情歌》，即忍不住想喊，他表示想了3年在這一刻要說甚麼，「冇可能一開始就喊，我最怕呢樣，3年來晚晚幻想呢一刻…」，還未講完已眼泛淚光，「我唔可以喊，等一等！」隨即用手拭淚，並指現在只可以講他真的很想念大家，觀眾即報以熱烈掌聲。

側田多次表示這是一個很隨意的音樂會，又不時在台上換帽。他的演出確實十分「隨意」，在自彈自唱Medley環節，雖然多首歌曲如《刻在我心底的名字》、《我們都是這樣長大的》、《一生何求》、《海闊天空》等都是大家耳熟能詳的歌曲，但他似乎事前並無練習，不只結他彈到甩甩漏漏，更多次忘記歌詞，要觀眾大合唱去挽救，難怪他完成這個環節後都說：「返去操吓啲結他先，真係失禮。」

側田唱完第一首歌《情歌》，已忍唔住想喊。

喺台上不停換帽，唔介意光頭Look示人。

側田自彈自唱部份，好似冇練過咁，好多甩漏。

側田話做好多音樂都係唱畀一個人聽，但未有透露係邊個。

曾被利用背叛心中好多雜念

側田近年鮮有露面，原來他3年前到了泰國居住，目的是尋回做音樂的初心，「好多人問我呢3年去咗邊，見我冇出現喺社交平台就以為我死咗，但以前日日post就畀人話晒命，其實我搬咗去泰國，最後一次開騷時已知要離開一陣，因為我有好多雜念，被利用、被背叛，好多蛇蟲鼠蟻，令我失去咗笑容，睇返細個到現在啲相，笑容都唔同，所以我想去搵返笑容，做音樂係想發放正能量，但如果我個人好灰、好悲觀就唔喺咁好。2020年算喺我嘅低潮期，好多謝上天，讓我用一年搵返做音樂嘅初心。」

他指自己做好多音樂都是唱給一個人聽，笑言由以前不相信愛，到現在能把愛送給這個人，但他未有透露對方是誰，笑言要低調，只謂如果沒有他，自己都不能站在這裡。最後更戴上口罩落台和觀眾近距離見面揮手，在encore環節，側田表示現在終於找到人生目標，笑言自己如嫲嫲一樣患上失憶症，但音樂能令人找回記憶，所以他要做一個life project，想在臨走時聽住自己的歌，稱以前為好多錯的事做音樂，但日後不再為成果而工作，也不會再為工作或無謂事不開心。