炎明熹拍住老師JW開網上音樂會一口氣唱近10首歌搞到聲沙

2022-08-21 11:45

王灝兒（JW）與炎明熹（Gigi）昨晚（20日）在九展舉行由中銀信用卡獨家呈獻《Let's Chill網上音樂會》，這次他們邀請了姚焯菲（Chantel）及張馳豪（Aska）擔任演出嘉賓。

JW表示：「好多謝中銀信用卡嘅邀請，可以再次同Gigi同台演出，見到佢成長咗咁多，自己都好開心！」Gigi亦指：「可以同JW老師jam歌，真係唱得好過癮。」中銀信用卡（國際）有限公司林敏儀副總經理表示：「很高興《Let's Chill網上音樂會》深受年輕客戶歡迎，Chill Card將繼續針對年輕客戶，推出更多適合其生活模式嘅優惠，為客戶嘅生活注入活力。『中銀Chill Card』除咗不定期為客戶送上網上或實體音樂會，更為熱愛娛樂消閒嘅客戶提供高達10%現金回贈。」

Gigi 同老師JW拍住開直播音樂會，仲一齊jam歌。

邀請咗Chantel同Aska擔任演出嘉賓。

JW日前為林家謙演唱會做嘉賓，今次輪到佢做主角。

（左起）中銀信用卡(國際)有限公司消費及推廣處主管司徒玉菁、JW、炎明喜、中銀信用卡（國際）有限公司林敏儀副總經理

受訪時Gigi有點聲沙，她稱這次是演出以來唱最多歌的一次，平時最多唱4、5首，這次多過一倍，自己要一直進步慢慢便可以唱多些。JW透露Gigi在後台十分緊張，JW說：「佢話唱嗰粒音好驚，我就同佢講冇事。平時我係最緊張嘅一個，現在我緊張交給佢哋嘞！」問到這次是否當作預演，遲些打算一起在紅館開演唱會？JW表示慢慢來，暫時二人各要儲多些歌，至於是否打算製作合唱歌？她表示沒所謂。

演出時，JW自爆最愛在浴室唱歌及唱K，經常被朋友點唱她的歌，令她沒機會點唱自己鍾意其他歌手的歌曲，她笑言：「呢個情況變到好像我冇假放一樣，（男友是否點唱最多一人？）唔係，朋友點唱較多，但男朋友都要我唱。」早前擔任林家謙演唱會嘉賓的JW被問到，可有要求林家謙作曲給她作為回報？JW即說：「我報答佢先啱，因為之前佢幫我寫咗三部曲，不過，我已經問咗佢，我點會放過佢呢，可能會有嘢發生呢！我好鍾意林家謙，亦好珍惜咁有才華嘅人。」

Gigi再高0.5cm

此外，Gigi被指長高了，她笑稱自己只高了0.5cm。當JW得知她17歲時忍不住說：「17歲仲有得高？」之後更扮哭表示，自己日後與他們演出時又要找一些再高0.5cm的高跟鞋。