譚嘉儀開船P慶祝34歲生日陳庭欣好識做泳照走低調路線

2022-08-13 23:30

譚嘉儀在圈中出名人緣好，今日34歲生日的她，避過連日風雨，相約一眾圈中好友搞船P慶祝，陳庭欣、周志文、翟威廉及林柏希等無懼風浪上船，相當畀面。話明是生日船P，當然少不免要佈置一番，見到譚嘉儀貼出的片段，遊艇上以大量粉色氣球包圍船尾，又有吹氣鴨仔及以英文字氣球砌上「KAYEE」字樣，壽星女梗係好開心。

譚嘉儀感恩天氣好。

睇得出譚嘉儀好開心。

陳庭欣（左）同譚嘉儀影咗好多相。

二人大晒長腿。

身材Fit爆的陳庭欣呢日就收起性感，穿上兩件頭的露背泳衣，減少與穿上一件頭的譚嘉儀有對比，好識做避免搶走壽星女的風頭。譚嘉儀的留言就感謝天公造美，指自己已預計會全日落雨，但出到去時勁好天，令她好感恩。之後她再出PO多謝眾好友：「今年生日好開心，有你哋～一齊笑咗成日，玩得好開心，多謝大家！真係好感恩！原本朝早仲落大雨，晏晝竟然出返太陽，感謝主啊！#又要舉牌又大叫 #呀康話似fans gathering #hahaha #笑死我 #辛苦晒咁多位 #比返封利是大家 #haapyday」。