MIRROR演唱會︱阿Mo女友So Ching疑公開鬧爆ViuTV：每次叫花姐加油VIU加油都係對傷者踩多一腳！

2022-08-10 17:16

MIRROR演唱會上月於第四場發生嚴重事故，導致舞蹈員李啟言（阿Mo）和張梓峰受傷，其中阿Mo傷勢嚴重仍留醫深切治療部。Mo女友女團COLLAR成員蘇芷晴（So Ching）事後未有就一事表態，今日較早前她卻突然轉發一則鬧爆ViuTV的帖文。

So Ching較早前轉發了IG帳戶「yes_you_areright」的帖文，內容包括「舞台環境、表演者薪金以及安全，VIU低成本樣式速食嘅成功，FANS質素，為見偶像，見到意外頻生，都唔施壓叫停演唱會，全部都係今次值得關注嘅點」。

該帖文就ViuTV處理演唱會意外一事繼續炮轟：「每叫一次花姐加油，VIU加油，都係對逼迫dancer，多一份支持，都係對傷者踩多一腳」、「DANCER果然都係藝術家要經歷過死亡先至會紅」、「香港嘅DANCER跳一世舞都唔會有圈外人認識、支持、幫佢地提高身價」、「絕大部份都只會在夢想，與被壓榨嘅貧窮之中老去，或者挨唔住就轉行，唯一出人頭地嘅方法就係去，造、做星，或者經歷死亡先至有人識」等等。