獨家丨蓋世寶過度曬黑被指黑過古天樂 本尊親回：大家娛樂吓啫

現年43歲的蓋世寶（Lulu）在2019年離開TVB，至今依然是自由身。幕前工作量不多，但仍不時更新社交網，日前她上載一張近照，見她曬得一身黝黑，由於黑到近乎黑人的膚色，嚇親不少網民，紛紛留言：「黑過黑人了」、「又扮Maria」，有人更調侃道：「仲黑過古天樂」，即引得本尊回覆：「其實冇咁黑㗎！」、「只是環境燈沒打開」。

 

呢張相被指過度曬黑，被指「仲黑過古天樂」。

呢張自然光，但似乎都係好黑。

古天樂曬黑之後愈有運行。 ​

對於被指黑過古天樂，蓋世寶今日回覆《星島頭條》時表示不介意，大方回應：「😅😅咁又冇話介意嘅，大家娛樂下啫。」她解釋曬黑原因：「是咁的，前排游咗一陣水，曬黑咗少少…。至於社交平台嗰張相呢，應該係因為嗰日室內環境暗咗，攝影朋友開咗兩盞靚燈畀我影相，但就出咗呢個效果，同時我電話個mon調光咗，所以唔察覺張相咁黑令大家誤會了。」問到可擔心膚色維持太耐？她說：「我白得都算快㗎，每日一個橙。」

問到最近工作量？她說：「最近冇乜特別嘢忙㗎，生活上只想抓緊4字頭嘅尾巴，盡量做多啲想做嘅嘢呢。」

 

Lulu 話因為環境燈冇開。

亦有網民讚係健康膚色。

Lulu 離開兒童組後，就鍾意跳鋼管舞同桌上舞，形象大變。

Lulu以前冇咁黑。

 

 

星島新聞集團慶回歸25周年專題網站，請即瀏覽

立即下載 | 全新《星島頭條》APP : https://bit.ly/3yLrgYZ