獨家丨劉浩龍赴澳門工作半年有新見解 出道25年自組公司

提到劉浩龍與澳門，網民可能會好記得他在疫情期間，到旅遊景點打卡一事。雖然劉浩龍到澳門消費未必好振興到澳門旅遊業，但在澳門遇到的人和事可能振興到他的演藝事業。

 

劉浩龍（左）去年與太陽娛樂文化完約，近來自組新公司。

 

劉浩龍大個仔自組公司，不過以後上網PO嘢要小心啲嘞，你知啲網民啦。 ​

 

出道25年的劉浩龍去年與周焯華創辦的太陽娛樂文化完約，早前到澳門有個騷，但最後亦因為疫情要再延後，不過在當地亦有些工作，留在澳門長達半年。劉浩龍向《星島頭條》透露，在澳門逗留半年有新見解，決定踏出新一步，「半年間喺澳門識咗好多唔同嘅人，有咗新嘅見解，認為係一個Right time去試吓自己開一間公司（「生意兄龍工作室」）。」而未來劉浩龍除了音樂，還會有其他發展，但暫時未透露得。

 

劉浩龍近年工作大多偏向拍影視作品。

 

劉浩龍成立「生意兄龍工作室」，除繼續做歌手，仲會有其他發展。

 

而談到目前的工作計劃，劉浩龍就表示：「呢排忙緊同Eric（郭偉亮）幫緊J2拍第二季《鋪鋪Poker》，同埋會開返YouTube節目《圓桌德州撲克》（Round Table Poker）。」至於自組工作室的詳情，他表示忙完手上的工作就會公佈。

 

劉浩龍近來忙於與郭偉亮為J2拍第二季《鋪鋪Poker》。

 

仲話會開返YouTube節目《圓桌德州撲克》。

撰文：Phoebe

 

星島新聞集團慶回歸25周年專題網站，請即瀏覽

立即下載 | 全新《星島頭條》APP : https://bit.ly/3yLrgYZ