小肥將應援句「小J世一」調轉讀祝福Jase 公然講有味笑話搞氣氛

2022-08-05 13:15

小肥與C AllStar成員何建曦（SoulJase），昨晚（4日）在九展舉行一連兩場《Vocalist》演唱會，兩人在台上唱出多首歌曲如《天梯》、《寵物》、《美少女戰士》、《留下來的人》及《時光機》等，音樂會上亦播出Jase當年唱小肥歌曲參加音樂比賽的片段，以及小肥以組合C-PLUS出道的MV片段，他們笑指大家有很多共通點，除了均是組合出身外，組合名字亦同樣是「C」字頭。

接着小肥更大講有味笑話，他表示剛在場外看到「小J世一」的標語，更笑着叫觀眾掉轉讀，然後説：「祝福嚟！」搞到Jase即時反擊：「大家咁話。」除了唱歌外，兩人更high到在台上飲酒，Jase自爆因飲酒而促成這次與小肥合作，不過他之後卻因飲酒搞到一肚脹氣幾乎唱不到歌。

兩人合作開騷，又幾有新鮮感。

小肥除了唱得，原來講有味笑話都得。

當年的Jase同現在有很大分別。

4年冇開騷小肥緊張失控

小肥在完騷後表現得非常興奮，他指已差不多4年沒開騷，坦言籌備時間太短，自己記歌亦需時，故心情有點緊張及失控。是否滿意表現？小肥說：「如果唔使成日睇提字機就滿意啲，但我仲未得。」而Jase則笑指不敢亂講，只能說OK。提到兩人剛在台上飲酒，小肥覺得喝點酒在台上可表現得更放，至於一向喜歡喝酒的Jase表示為了這個騷專誠戒酒兩星期，更透露今年將會推出百多枝威士忌送給朋友及fans。對於Jase今次身旁的拍擋由C AllStar變成小肥，他坦言最初也覺得有點不慣。

兩人在MIRROR演唱會早前發生嚴重意外後，籌備個唱是否有因應事件而作出調整？小肥說：「本身都冇乜嘢，同埋呢個場嘅setting都唔會太複雜。」Jase坦言當得知意外後，心裡也覺得很難受，第一時間亦有跟大家一起集氣，他認為無論大騷細騷，充足的綵排才可以令自己安心，更指工作人員今次亦有加倍小心叮囑他們不能站在喇叭上，安全至上。