Nowhere Boys下月開騷有主題要觀眾著旅行裝入場一齊玩

2022-06-17 02:30

五人男子樂隊Nowhere Boys，將於下月23日在旺角麥花臣場館舉行「〝Know Where to Go〞音樂會 2022」，日前他們IG直播公布喜訊，而下周四（23日）早上10時，Telegram（TG）「Nowhere Boys & Girls 」會員享有優先訂票的優惠。每次Nowhere Boys開騷，皆會設定特別主題與觀眾互動，上次主題是「選擇」，鼓手Nate表示今次主題則是「太空旅行」，邀請觀眾穿旅行裝到場睇騷，而鍵琴手漁佬聞言說：「度假feel？」主音Van笑說：「唔得，咁講Nate會著沙灘裝，我驚佢踢拖上台！大家要full gear，森林旅行裝，認真啲玩！」低音結他手Hansun笑說：「可以帶埋行李箱，裝備齊全。」

日前五子做直播時宣佈開騷的消息。

今次音樂會主題為「大空旅行」。

除了設定Dress Code，Van透露今次開騷會加強舞台設計：「好開心，我哋一直都好想喺麥花臣開騷，等咗好多年。而且今次演唱會比以往upgrade好多，包括會有一個好大嘅Video Wall，多咗好多視覺效果，多謝公司。」漁佬笑言過往只有他們幾位成員在台上做人肉布景板，今次視覺上一定更加豐富。」每次開騷，結他控Kenneth都會帶幾支珍藏上台，他透露今次考慮向朋友借出價值7位數的古董結他，其他成員聞言立即笑言要交換樂器表演。