莊韻澄痛失第2胎後首現身巴陶氏症非遺傳病計劃追個女

2022-08-02 16:30

莊韻澄在5月時宣佈喜迎第二胎，6月卻在社交平台透露第二胎因染色體出現問題，患上罕有的巴陶氏症，要在20周前接受終止懷孕手術，經過休養後，莊韻澄今日首度出席公開活動，現身在九龍城舉行的「香港天燈節2022」，她指心情已經平復，並藉摺紙鶴祝願大家都要健康平安，有健康的身體才能做想做的事，更祝福日前在MIRROR演唱會上意外受傷的舞蹈員早日康復。

莊韻澄同林寶玉、胡渭康一齊出活動。

莊韻澄6月接受終止懷孕手術後，今日現身表示心情已平復。

莊韻澄坦言待調理好身體後會追多個，她說：「我問過醫生唔係遺傳病，否則就唔再生嘞，但唔會咁快。」莊韻澄感謝老公一直在身邊陪伴，講到當時仍要照顧1歲多的囝囝，她直言難免感到有壓力：「嗰時所有嘢都好似好理所當然，大家都等緊妹妹出世，知道消息後當然希望係假嘅，但最後都要接受，我喺醫院返屋企後，終於可以抱囝囝時，心情好矛盾，但我會自我調節心情，亦唔會喺個仔面前表現唔開心。」又說稍後就要為即將上映的新戲宣傳。