MIRROR演唱會丨被爆跌落台鼓佬曝光 同未吊高恐怖巨型LED屏幕合照

MIRROR演唱會上月28日發生巨型LED屏幕墮下慘劇，其中27歲舞蹈員李啟言（阿Mo）腦出血及頸椎爆裂骨折，至今仍然在深切治療部（ICU）留醫，情況危殆。

有報道指幕後人員透露，鏡仔於開騷前一日（24日）才開始第一次總綵排，而且意外重重，「原本夜晚9點先開始full dress rehearsal，即係開騷前唔夠24小時，點知最後搞到（翌日）凌晨1點先開始，然後凌晨4點因為鼓手連鼓跌落台（冇叫白車，所以外人唔知）而嗌停，成套鼓炒落鼓手，再炒低埋另一個樂手，不過佢只係受咗輕傷，唔影響表演。然後竟然第二朝call大家朝早9點返嚟繼續，『28:00』係凌晨4點喎。」幕後人員愈爆愈多，「好喇，第二朝繼續full dress rehearsal，監製仲不停排、不停嗌停，喺度執細位。結果呢，直到夜晚7點準備觀眾入場前先停，演唱會最後一part有部份都未綵排過，就夠膽開騷。」

據知黑人鼓手叫Padget，之前曾為馮允謙演唱會打鼓，睇佢IG，放咗張同未吊高嘅恐怖巨型LED屏幕合照，並寫上祝禱文，祝福阿Mo，又透露：「作為一名Artist及表演者，目睹呢場悲劇真係好難過，亦好痛苦，甚至想像到呢個意外有可能發生喺我哋任何人身上。」

 

從相片可見每塊巨型LED屏幕均有兩條鋼索吊住。

 

鼓佬祝福阿Mo。

 

綵排中。

 

正式表演為AK彈奏《信之卷》。

 

鼓佬表示，「想像到呢個意外有可能發生喺我哋任何人身上。」

 

之前幫馮允謙做演唱會。

 

今日佢再Po IG Story，上載MIRROR《One and All》歌曲， 並Show出歌詞「如不安伴你經過便能硬朗，We are one and all，從不分你跟我。」再寫上「keep praying，keep loving，keep strong」再Hashtag香港、阿Mo及MIRROR。

 

鼓佬出IG Story為MIRROR打氣及再一次祝福阿Mo。

 

Padget與母親。

 

星島新聞集團慶回歸25周年專題網站，請即瀏覽

立即下載 | 全新《星島頭條》APP : https://bit.ly/3yLrgYZ