MIRROR演唱會丨張繼聰諒解AL Edan意外5秒內仍表演:佢哋承受嚴重創傷

2022-07-31 17:00
張繼聰指MIRROR 承受嚴重創傷,大眾唔會明。
張繼聰指MIRROR 承受嚴重創傷,大眾唔會明。

張繼聰今日到尖沙咀出席演唱會及創立品牌發佈會,將於10月在麥花臣舉辦演唱會的他,很珍惜這個七年後再開show的機會。對於早前MIRROR演唱會發生嚴重意外,張繼聰表示今次的演唱會將會偏向簡單為主:「比較似一個live show,所以唔會有咁多機關。」

提到MIRROR演唱會上的意外,有欣賞頭場的張繼聰表示:「都見到有啲嘢未綵排好,呢個我都唔評論,而家呢一刻嚟講,最傷痛都係阿Mo(李啟言)嘅遭遇。」看到意外發生的影片覺得很震撼的他,坦言當晚也睡得不好:「好難過,因為呢啲係好近嘅人,雖然我唔識阿Mo,但同大家嘅心情一樣都好難過。我覺得全香港市民,甚至乎全球人睇到新聞都會好難過,再加上我做呢行,入邊好多人我都識,呢個係一個好難過嘅事,呢一刻希望阿Mo可以快啲好返。」而他亦指事後有跟囡囡提過發生意外,但不會讓她觀看影片。

 

張繼聰將於10月在麥花臣舉行演唱會。
張繼聰將於10月在麥花臣舉行演唱會。
張繼聰指MIRROR演唱會意外當晚,自己都瞓得唔好。
張繼聰指MIRROR演唱會意外當晚,自己都瞓得唔好。

 

張繼聰指事後有傳訊息給MIRROR,但現在最好是給他們時間及空間:「好戥佢哋難過,佢哋嘅痛苦係大眾都唔會明,佢哋承受緊好嚴重嘅創傷。」對於有網民指Edan(呂爵安)與Anson Lo(盧瀚霆)在出事後仍繼續唱歌,他指這就是表演者需要承受的難處:「大眾唔會明我哋喺個台經歷緊啲乜嘢,普通市民睇到呢條片,係會知道5秒後發生咩事,但佢哋喺現場嘅時候,就算一個普通嘅觀眾,都未必即時反應到,如果再講Anson Lo同Edan,佢哋喺個表演緊、好亢奮嘅狀態,如果喺個台唔帶耳機,係唔會聽到自己唱緊乜嘢,所以喺嗰刻,我都幾肯定佢哋頭果5秒以內唔知發生咩事。Anson Lo同Edan同阿Mo嘅關係,一定畀我哋任何一個人更加密切,佢哋點會唔難過?有好多人一定會討論呢啲事,每個人都有自由,但表演者要承受嘅嘢,係你哋唔會知,作為一個同行,我只係覺得佢哋好慘,呢一種執生係超越咗我哋平時可以執生嗰種,去到咁大件事,點會反應到?」

張繼聰又謂舞台上每個人現在應該仍處於一個很痛苦的狀態,故希望大家不要再用自己的揣測傷害他們。

 

阿聰一家四口同汪明荃都係睇頭場。
阿聰一家四口同汪明荃都係睇頭場。

 

阿聰好體諒當時喺台上演出啲AL同Edan喺頭果5秒以內,係唔知發生咩事。
阿聰好體諒當時喺台上演出啲AL同Edan喺頭果5秒以內,係唔知發生咩事。

 

相信12子都好痛苦,大眾係唔會明。
相信12子都好痛苦,大眾係唔會明。

 

星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ

關鍵字

最新回應

關鍵字

相關新聞