MIRROR演唱会丨张继聪谅解AL Edan意外5秒内仍表演：佢哋承受严重创伤

2022-07-31 17:00

张继聪今日到尖沙咀出席演唱会及创立品牌发布会，将于10月在麦花臣举办演唱会的他，很珍惜这个七年后再开show的机会。对于早前MIRROR演唱会发生严重意外，张继聪表示今次的演唱会将会偏向简单为主：「比较似一个live show，所以唔会有咁多机关。」

提到MIRROR演唱会上的意外，有欣赏头场的张继聪表示：「都见到有啲嘢未彩排好，呢个我都唔评论，而家呢一刻嚟讲，最伤痛都系阿Mo（李启言）嘅遭遇。」看到意外发生的影片觉得很震撼的他，坦言当晚也睡得不好：「好难过，因为呢啲系好近嘅人，虽然我唔识阿Mo，但同大家嘅心情一样都好难过。我觉得全香港市民，甚至乎全球人睇到新闻都会好难过，再加上我做呢行，入边好多人我都识，呢个系一个好难过嘅事，呢一刻希望阿Mo可以快啲好返。」而他亦指事后有跟囡囡提过发生意外，但不会让她观看影片。

张继聪将于10月在麦花臣举行演唱会。

张继聪指MIRROR演唱会意外当晚，自己都瞓得唔好。

张继聪指事后有传讯息给MIRROR，但现在最好是给他们时间及空间：「好戥佢哋难过，佢哋嘅痛苦系大众都唔会明，佢哋承受紧好严重嘅创伤。」对于有网民指Edan（吕爵安）与Anson Lo（卢瀚霆）在出事后仍继续唱歌，他指这就是表演者需要承受的难处：「大众唔会明我哋喺个台经历紧啲乜嘢，普通市民睇到呢条片，系会知道5秒后发生咩事，但佢哋喺现场嘅时候，就算一个普通嘅观众，都未必即时反应到，如果再讲Anson Lo同Edan，佢哋喺个表演紧、好亢奋嘅状态，如果喺个台唔带耳机，系唔会听到自己唱紧乜嘢，所以喺嗰刻，我都几肯定佢哋头果5秒以内唔知发生咩事。Anson Lo同Edan同阿Mo嘅关系，一定畀我哋任何一个人更加密切，佢哋点会唔难过？有好多人一定会讨论呢啲事，每个人都有自由，但表演者要承受嘅嘢，系你哋唔会知，作为一个同行，我只系觉得佢哋好惨，呢一种执生系超越咗我哋平时可以执生嗰种，去到咁大件事，点会反应到？」

张继聪又谓舞台上每个人现在应该仍处于一个很痛苦的状态，故希望大家不要再用自己的揣测伤害他们。