蔡少芬翹男人手激嬲張晉 自爆曾遭祖藍「出賣」:欠我一世

2022-07-31 14:00
蔡少芬曾因翹住祖藍手,搞到老公張晉呷醋。
蔡少芬曾因翹住祖藍手,搞到老公張晉呷醋。

由TVB首席創意官王祖藍擔任主持的《有個閨密叫祖藍》,將於今晚起一連八集播映。打頭炮的嘉賓,是與祖藍相識超過16載的蔡少芬(Ada),二人除了大玩「閨密快問快答」、製作組指定的各項「閨密任務」外,還相約整曲奇兼歎日本菜。相識多年的二人錄影期間無所不談,除了有大量湊仔湊女經外,向來「乜都夠膽講」的Ada,更會大爆戀愛史、求婚瘀事、夫妻相處之道、以及老公張晉、祖藍與自己之間的恩恩怨怨。

 

Ada與祖藍在上海甫見面即瘋狂喪笑,難怪女方一開始即笑言「擔心會笑到有眼紋」。翹住手暢遊當地的二人,談到當年忽發奇想於首映期間即興翹手,Ada大爆曾因此事激嬲張晉:「我老公好介意,問做咩要咁樣,因為嗰時我同佢都未公開。當時我當祖藍兄弟咪翹住手行囉,我以為冇人相信我哋會拍拖㗎嘛。」

 

Ada擔心笑到有眼紋。
Ada擔心笑到有眼紋。

 

估唔到當年Ada貪玩同祖藍翹手一幕,令到張晉呷醋嬲豬。
估唔到當年Ada貪玩同祖藍翹手一幕,令到張晉呷醋嬲豬。

 

張晉都係因為太愛Ada。
張晉都係因為太愛Ada。

 

Ada同祖藍相識十六年。
Ada同祖藍相識十六年。

 

二人大談仔女經,祖藍話其實好擔心阿囡愈大愈似自己。
二人大談仔女經,祖藍話其實好擔心阿囡愈大愈似自己。

 

Ada又大爆曾因祖藍「食言」深感被出賣而嬲爆對方,豈料此事同樣觸及了張晉神經,張晉更反問Ada「嬲啲咩」;不過嬲到入晒血的Ada一於少理,更沉溺於重新量度與祖藍友誼的層面上:「嗰時我就開始懷疑,我同你友誼係咪只係柴米油鹽。」愈講愈「嚟料」的Ada不但邊說邊厲眼望住祖藍,更咬住祖藍不放謂:「其實你係咪應該道歉呀?」、「你係欠我一世㗎!」火藥味十足之餘,不失搞笑。

雖然今集訪談嘉賓是Ada,但張晉「出鏡率」其實幾可匹敵,皆因Ada三句唔埋兩句就提及張晉,除公開詐老公型,又大談如何被老公及兩名囡囡「技術性擊倒」兼制服。本集另一驚喜位是,Ada 1995年於TVB舉辦籌款活動中表演的「空中呼拉圈」絕技將重現熒光幕。

 

Ada大爆曾因祖藍「食言」深感被出賣而嬲爆對方。
Ada大爆曾因祖藍「食言」深感被出賣而嬲爆對方。

 

Ada 喺節目中經常都提住老公張晉。
Ada 喺節目中經常都提住老公張晉。

 

二人育有兩女一子,一家五口好幸福。
二人育有兩女一子,一家五口好幸福。

 

Ada好Proud of 自己呢個表演。
Ada好Proud of 自己呢個表演。


星島新聞集團慶回歸25周年專題網站,請即瀏覽

立即下載 | 全新《星島頭條》APP : https://bit.ly/3yLrgYZ

關鍵字

最新回應

關鍵字

熱門文章