独家丨王浩信为入行同妈咪冷战一年余香凝拍《心里美》忆同爸爸嗌交

2022-07-29 07:00

余香凝（Jennifer）和王浩信首度合作电影《心里美》，戏中两人同样饰演老师，但却有天壤之别，亦令他们想到自己读书日子。电影除了讲师生，最重要是谈及两代人关系，原来Jennifer以往曾跟爸爸经常嗌大交，而浩信为入行曾令妈咪唔睬一年，不过他们已为人父母，会提醒自己不要重蹈覆辙。采访：杜杜

Jennifer拍摄时原来已怀有囡囡，令电影更加有纪念价值。

浩信早前到纽约学戏，想不到教讲莎士比亚对白，竟在戏中大派用场。

两人初次合作，Jennifer大赞浩信是个好对手，不论是高度和演戏都一样夹，「佢优点系高罗！我可以着返有少少踭嘅鞋，之前试过要擘大双脚拍大头，同埋佢好畀心机准备，而我如果有啲情绪戏做唔到会愈嚟愈气馁，会𤷪自己，但佢会喺隔篱用返个角色嘅角度出发问我问题，好似学戏堂啲老师咁，等我入返入个角色，唔好跳咗出嚟嬲自己。」

Jennifer跟浩信在戏中演一对，外形高度都好合衬。

戏中浩信和Jennifer分别饰演补习天王和传统学校老师。

学识跟女儿沟通

戏中Jennifer跟饰演爸爸的吴岱融关系极差，经常嗌大交，令她想起以往跟爸爸相处，因她爸爸跟吴岱融角色一样是传统男人，「佢哋系爱你锡你，但系佢哋唔识得表达，或者讲两句就变咗嗌交，呢啲场口令我谂返以前唔识同爸爸沟通，拍完呢个戏会提醒自己有啲嘢唔可以等，对爸爸妈妈或者爱锡嘅人要多啲关心同问候。」浩信20岁时试过被妈咪唔睬一年，只因反对他入行怕会学坏，「嗰一年我入咗行做紧练习生，佢以为我冇搵工，佢就觉得我好唔听话，直至我第一首歌《讯号》出街，我叫佢去时代广场睇首播，佢仲以为我拍广告，慢慢佢见到我做到一啲成绩，有正常啲嘅收入先开始接受。」

戏中Jennifer跟吴岱融饰演的父亲，有不少冲突戏份。

浩信和Jennifer都会提醒自己，同囡囡好好沟通。

已为人父母浩信和Jennifer，他们都会提醒自己要好好跟女儿沟通，浩信更加会采取开放式态度，「点解要将自己价值观加落佢度，去满足我想做嘅嘢，唔系佢想做嘅嘢，我哋呢代父母系应该发掘佢想做嘅嘢，然后去帮助佢去享受点样做，呢个世界不断变紧，你点可以否定佢拣嘅嘢系唔好。」而自认紧张大师的Jennifer，会不断提自己学识放松，「呢个社会所有人嘅氛围，会令你觉得唔帮佢做某啲嘢系咪佢会输，将来会埋怨我，所以会叫老公同妈咪提返我，唔好做啲疯狂行为，最紧要系小朋友开心。」