汪小菲十指緊扣拖張穎穎傳朋友圈公開照片後急刪除

2022-07-28 22:30

台灣女星徐熙媛（大S）與新婚韓籍老公具俊曄愛得甜蜜，最近二人更頻頻約好友聚會，流出不少溫馨新相。至於大S的前夫汪小菲與緋聞女友張穎穎一樣好高調，離婚後多次出遊，又各自貼出相似的生活相打卡，雖然未有承認戀人關係，但單睇照片都知發生緊乜事。日前網上又流出一張二人的正面相，今次拖晒手的合照可謂「證據確鑿」，唔知汪小菲阿媽張蘭又點睇呢？

內地網民在重慶遇到汪小菲及張穎穎。

二人似是拍拖出遊。

有指汪小菲呢張拖手相，在朋友圈上載5分鐘就刪除。

二人穿上黑色「情侶裝」襯白波鞋十指緊扣，企定定望住鏡頭展露幸福甜笑，照片如果不是P圖，好大機會是由二人自己公開。早前曾「狙擊」汪小菲的台灣資深狗仔葛斯齊，為呢張相又有嘢講：「那照片是在周二（26日）時，汪小菲自己發朋友圈，不到5分鐘又撤掉，照片本身不是重點，重點是照片附加的文字。」但他沒有公開文字內容，再吊大眾癮。