獨家丨施匡翹重視養生戒雪糕一次過考獲車牌多一個搵食技能

2022-07-27 06:00

施匡翹(Zaina)推出新歌《My1stCar》，即「my first car」嘅縮寫，原來亦係佢嘅寫照，之前她一次過考獲車牌，兼擁有人生第一架車，繼唱歌、跳舞及教瑜伽外多門搵食技能！她大笑說：「𠵱家可以揸埋Uber，所以大家見到我唔使驚訝，記得畀5粒星呀。」採訪：方騫平攝影：沈健程化妝、髮型：Wingkee Makeup 形象：Janae 陳灝而場地：Imini Partyroom

施匡翹再出跳舞歌《My1stCar》。

施匡翹新歌有科幻造型。

繼去年初小試牛刀推出快歌《Stay》後，施匡翹再出跳舞歌，新歌《My1stCar》請來韓國團隊Cheatkeys及CobiCudi作曲，T-Rexx 填詞，由於加入咗韓風，感覺好新鮮，她亦愈嚟愈愛上跳舞。

𠵱家Zaina最大娛樂係放狗。

新歌《My1stCar》MV都有晒纖腰及長腿。

唔介意泳衣亮相

新歌MV造型都好特別，其中一個加入外星人元素，帶點科幻。她坦言唔想局限斯文形象，唔介意晒腰及腿，最重要感覺健康。問到着泳衣又如何？她堅持如果拍戲時合情合理都冇問題。原來之前她一次過考到車牌，不過，Zaina強調考牌時正值冬天，全身包到實，再戴埋口罩，絕對冇「色誘」考牌官！

她認為劇情合理，著一件頭泳裝演出冇問題。

去年推出快歌《Stay》，MV造型都有突破性。

𠵱家Zaina愈來愈重視健康，尤其兩年前確診新冠肺炎後更加留意養生：「疫情唔穩定，身體健康最重要，以前會食生冷嘢，鍾意食雪糕，𠵱家反而少食，會飲紅棗水及薑茶，跳吓舞及做吓按摩，睡眠質素都好咗，女仔要講養生嘛。」由於新冠肺炎康復者可打少一針，施匡翹還未打第3針：「如果有需要咪打，我願意配合防疫，反正打咗又冇乜唔舒服。」