大埔屋邨高層單位上演「水舞間」 住戶窗台倒水直落樓下

政府廣告有講「夏天為大地帶來雨水」，但這些「雨水」有機會是人造的！有大埔富亨邨居民指，某高層住戶一日內從單位倒兩次水落街，並上載兩段影片作證，希望管理處及該區區議員可以跟進。

有網民日前在社交媒體Facebook專頁「Tai Po • Fu Heng 大埔 • 富亨」上載兩段聲稱同日拍攝的影片，指亨泰樓某高層住戶一日內兩次從單位向外潑水。從影片顯示，涉事住戶上午疑似在窗台邊洗刷甚麼，從紅色膠盤倒出水並向外撥出，而晚上則直接用大半桶的桶裝水倒水，只見大量水從窗台傾盆而下，直落樓下。

大埔富亨邨亨泰樓有高層單位住戶向樓下倒水。FB影片截圖

上載影片的樓主在文中表示「多謝樓上表現精彩絕倫嘅水舞間畀我睇，有幸我及時影低咗」，又指已聯絡管理處及大埔區議會富亨區議員何偉霖跟進，希望有關情況可以改善。何偉霖其後在留言回覆樓主指「唔係租戶的話管理處都先會作出警告及勸喻，如果係租戶，咁我哋向房署作出投訴就得啦，不論佢係咩戶，睇吓佢之後有冇改善」。

帖文引起街坊及居民討論，不少人都指這次並非個別事件，「我都想知幾多樓，日日都有人倒幾次水落來，投訴無數次管理處都冇跟進」、「唔止佢一個，亨泰某樓層都有個」。亦有網民不解涉事者倒水落街的理由，「我睇咗好多次都諗唔明佢點解要潑水出去，其實我覺得佢自己搬石頭揼自己隻腳啲水全部都潑喺自己屋企範圍之內，尤其是佢部外置冷氣機」、「佢搞乜X嘢？洗雀屎？」，樓主就回應指，估計是涉事者想「幫冷氣降溫」而作出倒水行為。

資料來源：「Tai Po • Fu Heng 大埔 • 富亨」FB

星島新聞集團慶回歸25周年專題網站，請即瀏覽
立即下載｜全新《星島頭條》APP：https://bit.ly/3yLrgYZ