金曲頒獎禮丨劉德華有信心出歌再爭獎直言想同MIRROR ERROR合作

2022-07-24 22:10

劉德華很久沒返TVB，今晚他獲何麗全和香港電台特別項目經理李錦明邀請為《香港金曲頒獎禮》擔任頒獎禮開場表演嘉賓，帶領新一代歌手獻唱金曲做開幕嘉賓，他笑言一班新人唱《17歲》時，他都想衝出去一齊唱，問到一班新人當中較深印象有誰，華仔就認為這樣講會不公平，但直言都有留意MIRROR和ERROR兩個組合，希望有機會合作。華仔表示未有具體計劃出新歌，但對自己有信心可以試試出歌再爭獎。

劉德華好留意樂壇新人。

華仔點名想同MIRROR合作。

ERROR都係華仔心水合作之選。

對於兩個台合併頒獎，他指以前都有四台聯頒，他希望由兩個台開始，以後幾個台一齊搞一個頒獎禮，希望今晚帶到感覺給大家。至於今晚並非每間唱片公司都出席，華仔笑指大家都清楚商業社會，不用他講。

華仔好耐未入過TVB啦。

多年沒有為TVB拍劇的華仔問到可會再拍TVB劇？他婉轉表示拍完電影會返內地再拍另一部戲，過年前返香港準備拍《拆彈專家3》，電影工作排至2023年。至於再上紅館演唱就要一些時間，或會先舉行小型騷見見粉絲。提到他的歌曲《倒轉地球》翻HIT，華仔表示早前在髮型屋撞見陶大宇都有講起，笑言希望大宇唱多兩首，下次自己再開個唱想邀大宇一齊唱。