Edan凌晨撰長文指無悔拍《I SWIM》 角色衝動自稱為「ViuTV吳卓羲」

2022-07-24 13:45
Video Player is loading.
Current Time 0:00
Duration -:-
Loaded: 0%
Stream Type LIVE
Remaining Time -:-
 
1x
    • Chapters
    • descriptions off, selected
    • captions and subtitles off, selected

      Edan今日凌晨撰長文談拍《I SWIM》感受。
      Edan今日凌晨撰長文談拍《I SWIM》感受。

      由呂爵安(Edan)、魏浚笙(Jeffrey)、袁澧林及吳海昕等主演、馮志強執導的ViuTV劇集《I SWIM》,前晚(22日)播出大結局,但卻被不少觀眾及網民批評結局「爛尾」及「太膠」,由於群情洶湧,馮志強也在社交網留言聲言會檢討。在劇中飾衝動好勝「李馬榮」的Edan,今早凌晨在紅館綵排完MIRROR演唱會後,終在社交網撰長文分享感受。

       

      今次角色一改以往搞笑形象,是嚴肅、好勝和衝動。
      今次角色一改以往搞笑形象,是嚴肅、好勝和衝動。

       

      一眾男演員為此劇操fit身形及游水。
      一眾男演員為此劇操fit身形及游水。

       

      Edan本身不擅游水。
      Edan本身不擅游水。

       

      「如果擔心就唔試,我乜都唔洗做」

      Edan長文謂:「有人問我,你會唔會好失望啊?真心嗰句,我自己真係冇嘅,反而好興幸自己有參與其中。拍攝嘅過程固(故)然學到好多嘢,但原來一個作品出街,睇返整個作品,再睇返自己嘅表現,同觀眾嘅意見,係會再令自己學到更多嘢,令自己有所成長,而哩啲經驗,就係可以比(俾)你用喺之後嘅演出 ,之後嘅作品上。

      今次李馬榮哩個角色,的確唔係自己做開嘅類型。當初做嘅時候,都好擔心自己會唔會太死咕咕,會唔會淨係演到個角色好死好唔自然,另一方面,又擔心大家會唔會睇唔慣,會唔會唔相信哩個角色,會唔會唔鍾意哩個角色。

      但係如果我因為驚就唔試,我就永遠都冇機會做其他類型嘅角色,大家就永遠都睇唔慣我做其他性格嘅角色,如果我因為擔心就唔試,咁其實……我乜都唔洗做㗎啦,上台表演都擔心㗎,咁係咪唔做啊?

      唔做,就唔會知自己有咩做得唔好,就唔會知自己有咩需要進步
      可能有人今次睇唔慣,但經過今次之後,可能你就會睇得慣呢
      可能今次做得未夠好,但經過今次之後,下次咪可以做好啲囉
      所以,一定要做……

      其實有意見先會有進步,盲撐係唔好,但盲_亦都唔好,所以我哋係好歡迎啲客觀建設性嘅意見。唔怕老實講,我自己有時睇到啲負評都好confuse(疑惑),話我唔緊要啊,講得啱嘅我會聽,然後盡力改。但有時我分唔到啲負評係因為本身唔鍾意我定點,搞到我都唔知take唔take好,不過都係嗰句,姐係要再做好啲囉。

      有討論其實真係一件好事,有人講好過冇人講。但我覺最緊要係大家要繼續支持香港嘅創作同製作(唔止係劇集啦)。成日問點解外國嘅好咁多,喂大佬人哋多咁多資源,多咁多人才,多咁多support。你幾可聽到一個後生仔話大個想做導演想做編劇?所以大家_嘅同時,都要繼續大大力支持,咁件事先會越嚟越好覺得有問題有唔好嘅就比(俾)意見,希望佢下次變好!

      講完,沖涼瞓覺!多謝iSwim,多謝導演,多謝所有台前幕後,多謝有睇有討論嘅每一位,多謝李馬榮(Viutv吳卓羲),哩段旅程好難忘,希望大家可以繼續支持香港嘅作品,亦希望大家下一次又可以見到一個唔同咗嘅Edan啦!」

      當中Edan亦指其實幕後團隊比演員更辛苦,形容他們是付出200%的心血及200%的力在此作品上,他亦讚導演馮志強是用愛去投入拍攝。 

       

      各人演出游水戲,似模似樣。
      各人演出游水戲,似模似樣。

       

      Edan的李馬榮,十分衝動,難怪他形容為「ViuTV吳卓羲」。
      Edan的李馬榮,十分衝動,難怪他形容為「ViuTV吳卓羲」。

       

      五子付出了不少努力及心血。
      五子付出了不少努力及心血。

       

      Edan指製作團隊比演員更辛苦。
      Edan指製作團隊比演員更辛苦。

       

      馮志強(左)被網民批評劇集結局「爛尾」。
      馮志強(左)被網民批評劇集結局「爛尾」。

       

      而在劇中飾「余浪沖」的Jeffrey在Edan留言謂:「『榮』幸跟你一起游到終點,『沖』滿快樂,李馬榮、余浪沖。」Edan即笑問他:「bro你係咪諗咗半個鐘。」看來兩人兄弟情又再進一大步。

       

      Jeffrey以跟Edan角色名字來留言。
      Jeffrey以跟Edan角色名字來留言。

       

      Edan搞笑回應。
      Edan搞笑回應。

       

      Jeffrey(左)的演出有驚喜。
      Jeffrey(左)的演出有驚喜。

       

      吳卓羲(左)以往的角色不少也十分衝動。
      吳卓羲(左)以往的角色不少也十分衝動。

       

      星島新聞集團慶回歸25周年專題網站,請即瀏覽 

      立即下載 | 全新《星島頭條》APP : https://bit.ly/3yLrgYZ

      關鍵字

      最新回應

      關鍵字

      相關新聞

      You are currently at: std.stheadline.com
      Skip This Ads
      close ad
      close ad
      本網站正使用 Cookie

      我們使用 Cookie 改善網站體驗。 繼續使用我們的網站即表示您同意我們的 Cookie 政策。 Cookie 政策