Juicy叮｜花$400食台式火鍋放題肥牛當和牛 港男：想食嘅自己睇路啦

不時有網民在社交平台放享自己去餐廳食飯中伏的經驗，日前有港男在fb「中伏飲食報料區」討論區發文，指自己到一間連鎖台式火鍋店食飯，並選擇每位價值$368最高級的「饌‧和牛‧吃到飽」的火鍋任點任食，豈料「和牛」上枱後竟是半肥半瘦，與餐牌中充滿均勻雪花的和牛有很大出入，「頭盤第一碟已經係咁樣，再問咗職員有無畀錯，職員話：『呢碟就係和牛』」。最後港男溫提一眾網民：「想食嘅自己睇路啦....人均加埋一400蚊食肥牛咁」。

多名網民亦紛紛留言，指涉事餐廳收費昂貴，而且肉類的質素參差，「見到個價錢都覺得伏」、「無話邊度嘅和牛，可能係本地和牛呢」、「圖片只供參考，而家唔可以架啦。違反商品說明條例呀」、「點睇都係肥牛呀」。

餐牌中的和牛充滿均勻雪花。網上圖片

「和牛」上枱後竟是半肥半瘦。網上圖片

其後港男再於帖文內跟進事態發展，指涉事餐廳事後與他解釋，聲稱當日職員「拎錯咗牛肉」，向他致歉並全單退款，「由於負責聯絡我嗰個職員，算係有禮貌，加上都話會改善番日後食物同埋員工質素，我接受咗道歉，不過我無接受全單退款」。

港男又指店方主動建議邀請他帶同家人到旺角新店體驗用膳，但同樣亦拒絕其邀請，「的確呢間餐廳環境同裝修有唔少打卡位，如果今次唔係離譜到咁，我都唔會放上網。職員回應係好有禮貌同埋都算有誠意，所以無再引發公關災難。」

星島新聞集團慶回歸25周年專題網站，請即瀏覽
立即下載｜全新《星島頭條》APP：https://bit.ly/3yLrgYZ