Juicy叮｜將軍澳街市買山竹均爛透街坊嘆：買靚生果都係一門學問

2022-07-21 15:21

炎炎夏日，不少市民都會買生果消暑，一名將軍澳的女街坊於區內街市購買山竹、榴槤及荔枝，豈料回家後驚悉3款水果竟全部全部爛掉，其中有3磅山竹更幾乎全部果肉爛透需丟棄，令她大感無奈；另一名將軍澳街坊亦於另一街市的生果檔購買山竹，豈料同樣「中伏」！

該名女街坊於facebook群組「將軍澳主場」發文指，於坑口一街市內生果檔購買3款水果，包括3磅山竹、榴槤及荔枝。樓主滿載而歸，回家後準備食用之際，豈料發現幾乎全部水果都不可食用，「買咗3磅山竹，無兩個可入口，諗住榴槤同荔枝唔會咁喇啩，點知，全軍覆沒！」，她見狀亦只能嘆息，並呼籲一眾街坊於該生果檔購買水果前要三思！

樓主其後補充指，該3種水果均為檔主挑選，自己一向不敢碰檔口的水果，「通常都唔敢掂，怕俾檔主鬧」，惟沒料到今次買3款水果竟全部報銷，笑言「想買靚生果，都係一門學問，唔知要畀幾多學費先得呢」！　