七仙羽請得女神下世老公任嘉賓 下月開騷孖「八鮮乳」努力排舞

七仙羽（七師傅）正密鑼緊鼓為《師傅七都識唱笑會》進行綵排，務求將個人唱跳功力加倍提升。昨晚（20日）七師傅跟徒弟「八鮮乳」郭奕芯秘密練舞，同時透露了神秘嘉賓身份。 整晚與郭奕芯專心練舞的七師傅指舞步雖然簡單，但一不留神容易記錯，七師傅趁機會分享其大智慧：「上台前要多飲水，有助記憶，但就增加去廁所嘅煩惱，唔飲水記憶會變差，唯有上台前食條蕉同飲水，兩樣皆對大腦好有益，免得唱錯歌詞跳錯舞。」

 

七師傅跟徒弟「八鮮乳」郭奕芯一齊練舞。

 

相信到時郭奕芯都不乏性感打扮。

 

在休息期間，七師傅問郭奕芯知否今次嘉賓名單，郭奕芯猜想：「我估應該有師傅嘅另一半。」七師傅笑言：「我老公當然會嚟支持我，不過仲有我嘅女神，女神當然會唱歌，嚟唱笑會唔唱歌，人哋會話我『掛羊頭賣狗肉』。」據知，除了有女神嘉賓外，另一位神秘嘉賓則是七師傅的「下世老公」，相信都呼之欲出。

 

有女神同下世老公任七師傅個騷的嘉賓。

 

星島新聞集團慶回歸25周年專題網站，請即瀏覽

立即下載 | 全新《星島頭條》APP : https://bit.ly/3yLrgYZ