七師傅演棟篤笑搵人代「下世老公」分享邀嫖客入屋滅慾火經歷

2022-07-14 21:45

七仙羽（七師傅）今晚為微辣棟篤笑演出，透露會講感情及在佛堂發生的事情，又說早前扮過張敬軒的豪Dee非常神似，笑言見不到下世老公張敬軒，惟有以豪Dee頂替，指軒仔太忙，見豪Dee更易。

七師傅（右三）今晚為棟篤笑演出，會講感情及在佛堂發生的事。

七師傅經常提起軒仔。

七師傅提到自己佛堂的樓下是一樓一鳳，由於唐樓的關係，不少嫖客都試過搞亂樓層按錯門鐘，她說：「過門都係客，會叫佢哋入屋，向佢哋唸經，聽完經就乜慾火都無，渡化佢哋。頭尾接過十幾個客，鬼佬都有，我問佢點解有靚老婆和小朋友都要嚟，勸佢唔好再嚟，否則就影佢相擺上網，佢就驚咗唔再嚟。我都曾渡化過一個60幾歲的鳳姐，同佢講要多唸經，佢年紀大，擔心佢會有病，最後佢改行做按摩。」她指真正的普渡眾生要站出來，不能只局限在寺廟中，稱要在台上發放歡樂，在紅塵中影響別人。

七師傅將於下月舉行首個大型演出，正密密練舞，她笑言練舞練到腰酸背痛，加上有不少工作又要拍廣告，每日都很累，豪Dee則指看過七師傅跳舞，笑言是勁舞，絕對值回票價。