通靈之王丨被「女巫公主」測中親人離開梁思浩眼紅剖白外婆去世

2022-07-13 14:30

梁思浩帶領兩位靚女新人王嘉慧（Cathy）及伍韻婷（Juliana）主持的TVB新節目《通靈之王》，前晚（11日）首播，接着逢周一至三晚10點半翡翠台播映，15位不同的通靈專家將陸續登場。前晚及昨晚（12日）播出首兩集中，先有11名通靈專家出現，當中有3名成功搶灘吸引網民熱討，分別是「靈魂談判師」Depp、「北帝代言人」悟能師傅及「女巫公主」慧慧。

梁思浩回歸TVB主持真人騷《通靈之王》。

兩位靚女主持Cathy（右）及Juliana。

Juliana的索樣吸引不少觀眾支持。

3人之中以慧慧最令網民嘖嘖稱奇，她準確道出Cathy的感情問題及梁思浩最近有親人離世，當他聽到慧慧的話後雖然強裝鎮定，但身體卻明顯顫抖；及後梁思浩強忍淚水著慧慧離開，大讚慧慧「100分」之餘，亦忍不住激動謂：「我一直冇話畀人聽，喺我拍呢個節目10日前，我最親嘅親人離開咗，93歲、係我好錫嘅外婆。」梁思浩又表示就連經理人也不知道相關事宜，故當慧慧道出其狀況時，情緒一度崩潰。對於慧慧的神奇力量，不少網民甚感神奇，並認為梁思浩不會拿私人事做節目效果。

慧慧測到梁思浩有親人去世。

即時表現激動。

原來外婆的確早前去世，此是兩人最後一次合照。

另外，聲稱是「北帝代言人」的悟能又猜中藏在銀盤中、梁思浩隨身物是「銀色熊仔」，並強調只是代北帝發言：「佢話咗畀我聽，我要信，係唔係我唔知，我冇見到。」梁思浩事後的即場反應，亦令事件更添懸疑：「佢冇講中車匙，但講中咗熊仔，我覺得答到銀色都贏！匪夷所思。」而梁思浩向現場工作人員強調「北帝唔知咩叫車匙」，因此悟能才無法子明確指出。至於Depp的討論點，除了拍攝時突然出現蝙蝠外，梁思浩又指對Depp唸天語有反應：「佢唸嗰陣我個身係震嘅，我保持鎮定咋，我好坦白嘅，我做呢個Show有就有、冇就冇。」