大停電｜聽聞樓上住客行50層樓梯回家 港女：買樓都係低層好
2022-06-22 21:16 
新界西昨日大停電不少網民都猶有餘悸，有網民在「香港討論區」撰文指經此一役還是覺得買樓買低層比較好。
女網民提到昨晚放工回家才發現停電，升降機都停開，後樓梯燈光昏暗。由於居住二十多樓，放工已經好疲倦，但網民為回家只好死死地氣去行樓梯，著住對都高踭鞋行樓梯，「行到腳都軟晒仲要幾乎摸黑咁行上去。」
女網民指，「好彩唔係得我一個行，幾經辛苦，終於行到上去二十幾樓，見到同我一齊行嘅人仲要繼續行上去，聽佢地講，講地住係五十幾樓，呢個時候我就有少少慶幸自己只係住係二十幾樓。」
天水圍的電力供應已經回復正常。
女網民又擔心如果無辦法行樓梯如何是好，舉例其爸爸因腳部機能不太好，行不到這麽多層樓梯，困在地下等到凌晨3時才有通電可以回家。她感慨，「所以話，住低啲，就算停電冇lift，都唔洗咁慘行咁多層樓梯。」
有網民質疑是否誇大，但也有天水圍網民指該區一個屋苑柏慧豪園正好有五十幾樓；也有人認為停電只是個別事件並非常態，無理由因此影響涉及數百萬元的決定。
星島新聞集團慶回歸25周年專題網站，請即瀏覽
立即下載｜全新《星島頭條》APP：https://bit.ly/3yLrgYZ
關鍵字
最新回應