《魷魚遊戲》真人版招募全球勇士生還者可獲3560萬港元

2022-06-15 21:30

韓劇《魷魚遊戲》紅遍全球，成為Netflix史上最受歡迎的影集。Netflix宣佈開拍《魷魚遊戲》實景真人競賽節目，即真人版嘅《魷魚遊戲》，現正進行全球招募，任何人都可以報名，只要年滿21歲，英文流利就可以報名參加。劇組將招募 456名參加者，爭奪生還獎金456 萬美金（約3,560萬港元），拍攝日期將於明年初！

《魷魚遊戲》第二季最快要2024尾先有機會睇到。

聲稱呢個係史上最大型嘅真人Show，將有456名真實玩家進行遊戲，官網已開始運作，網站顏色以全黑為背景，搭配電視劇中具代表意義的三個符號：圓圈、三角形、正方型，圓圈代表美國地區、三角形代表英國地區、正方型代表全球其他地區。

官網版面。

節目將取名為《魷魚遊戲：THE CHALLENGE》，估算集數有10集，Netflix首席副部長 Brandon Riegg 表示，在電視劇中參加者以生命作賭注，不過如果在現實這麼做，肯定是違法的，不少網友期待實境Show的懲罰機制，認為輸家應該受到懲罰，但不包括死亡。報名表中已寫明，「請注意：無論輸贏，所有玩家都絲毫無損，但你贏咗，就係贏了。」

參加者可以放心，玩輸咗係唔使死嘅。

留意返，報名都幾多注意事項，首先你要肯定自己下年初可以有四星期空檔拍攝真人Show，而且必須持有有效護照可以前往指定拍攝地點，另外要上載一分鐘自我介紹嘅短片，講吓點解想參加遊戲？有咩遊戲計劃等等。最重要就係要貼相，相片都有要求，就係要橫向模式、光線要充足、唔好戴帽及戴太陽眼鏡及切勿使用美圖，報名網站：https://www.squidgamecasting.com