陳冠希低調返港撐好友MC仁藝術展 外貌回春網民讚靚仔返晒

陳冠希（Edison）一家三口近年定居美國，早前直播被愛女Alaia大爆最近有電影拍，未知是否因有幕前工作，近月Edison都執返正個樣，睇返佢最近IG啲相，又真係瘦咗，而且外貌靚仔返唔少。不過睇明星Po相，就晒角度有時又加濾鏡，好難作準嘅。嗱！最近Edison低調返港就被野生捕獲，網民都大讚Edison外貌真係回春。

陳冠希一家三口好幸福，連帶佢都有啲幸福肥。

 

陳冠希早前不時被影到蒼老樣。

 

更被指發福不少。

 

陳冠希近日低調返港。

 

日前有網民於新開幕的藝術畫廊見到Edison，音樂人兼藝術家MC仁（陳廣仁）及其他藝術家有作品於該畫廊展出，相信Edison撐好友之餘，本身亦是設計師的他，到場或是搵靈感。網民見Edison外形不像早前滿頭白髮兼有啲中年發福，都大讚男神回來了，靚仔返晒呀！

 

應該係去撐好友MC仁。

 

瘦咗又冇晒白頭髮，個樣已經後生好多，其實陳冠希先41歲咋！

 

更多最新疫情資訊，請到以下專頁瀏覽 按此  

立即下載 | 全新《星島頭條》APP : https://bit.ly/3yLrgYZ